കുവൈത്തില് വന് ലഹരിമരുന്ന് വേട്ട; 131 കിലോ ഹാഷിഷ് പിടികൂടി
Synopsis
ഇറാനില് നിന്നെത്തിയ ഹാഷിഷ് ആണ് ഉദ്യോഗസ്ഥര് പിടികൂടിയത്.
കുവൈത്ത് സിറ്റി: കുവൈത്തില് വന് ലഹരിമരുന്ന് കടത്ത് പരാജയപ്പെടുത്തി. 131 കിലോഗ്രാം ഹാഷിഷ് ആണ് പിടിച്ചെടുത്തത്. നാര്കോട്ടിക്സ് കണ്ട്രോള് ഡയറക്ടറേറ്റ് ജനറല്, തീരസുരക്ഷാ സേനാ വിഭാഗവുമായി സഹകരിച്ചാണ് ലഹരിമരുന്ന് പിടിച്ചെടുത്തത്.
ഇറാനില് നിന്നെത്തിയ ഹാഷിഷ് ആണ് ഉദ്യോഗസ്ഥര് പിടികൂടിയത്. കുവൈത്ത് സമുദ്രാതിര്ത്തി കടന്നെത്തിയ രണ്ട് ഇറാന് സ്വദേശികളെ കസ്റ്റഡിയിലെടുത്തതായും ആഭ്യന്തര മന്ത്രാലയം അറിയിച്ചു. പിന്നീട് തിരികെ എടുക്കാനായി കടലില് ലഹരിമരുന്ന് നിക്ഷേപിച്ചെന്ന് പിടിയിലായവര് ചോദ്യം ചെയ്യലില് സമ്മതിച്ചതായി മന്ത്രാലയം കൂട്ടിച്ചേര്ത്തു.
Read More: പ്രാദേശികമായി നിര്മിച്ച മദ്യവും മയക്കുമരുന്നുമായി നാല് പ്രവാസികള് പിടിയില്
ഏതാനും ദിവസങ്ങള്ക്ക് മുമ്പ് കുവൈത്തിലേക്ക് ലഹരിമരുന്ന് കടത്തിയ രണ്ടുപേരെ അധികൃതര് പിടികൂടിയിരുന്നു. 25 കിലോഗ്രാം ഹാഷിഷുമായാണ് രണ്ടുപേരെ ജനറല് അഡ്മിനിസ്ട്രേഷന് ഓഫ് നാര്കോട്ടിക്സ് കണ്ട്രോള് വിഭാഗം ഉദ്യോഗസ്ഥര് അറസ്റ്റ് ചെയ്തത്. വില്പ്പന ലക്ഷ്യമിട്ടാണ് ഇവര് രാജ്യത്തേക്ക് ലഹരിമരുന്ന് കടത്തിയത്.
ആന്റി ഡ്രഗ്സ് ട്രാഫിക്കിങ് വിഭാഗം നേരത്തെ പബ്ലിക് പ്രോസിക്യൂഷനില് നിന്ന് അനുമതി തേടിയിരുന്നു. ഇതിന് ശേഷമാണ് പ്രതികളുടെ താമസസ്ഥലത്ത് പരിശോധന നടത്തിയത്. ലഹരിമരുന്നും പണവും ഉള്പ്പെടെ ഇവിടെ നിന്ന് പിടിച്ചെടുത്തു. പ്രതികള് കുറ്റം സമ്മതിച്ചിട്ടുണ്ട്. ഇവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറി.
Read More: കുവൈത്തില് കാറുകള് കൂട്ടിയിടിച്ച് യുവതി മരിച്ചു; ഒരാള്ക്ക് പരിക്ക്
കുവൈത്തിലെ സെന്ട്രല് ജയിലില് നിന്ന് മൊബൈല് ഫോണുകളും ആയുധങ്ങളും പിടിച്ചെടുത്തു
കുവൈത്ത് സിറ്റി: കുവൈത്തിലെ സെന്ട്രല് ജയിലില് നടന്ന റെയ്ഡില് മൊബൈല് ഫോണുകള് ഉള്പ്പെടെ നിരവധി സാധനങ്ങള് തടവുകാരില് നിന്ന് പിടിച്ചെടുത്തു. തടവുകാര് വിവിധ സ്ഥലങ്ങളില് ഒളിപ്പിച്ച് വെച്ചിരുന്ന മൊബൈല് ഫോണുകള്, ഇന്റര്നെറ്റ് ഉപയോഗിക്കുന്നതിനുള്ള ഡേറ്റാ കാര്ഡുകള്, ചാര്ജറുകള്, ഇയര്ഫോണുകള്, പല തരം ആയുധങ്ങള് തുടങ്ങിയവയെല്ലാം പരിശോധനയില് കണ്ടെത്തി.
ആഭ്യന്തര മന്ത്രിയുടെ ചുമതല വഹിക്കുന്ന ഡെപ്യൂട്ടി പ്രധാനമന്ത്രിയും പ്രതിരോധ മന്ത്രിയുമായ ശൈഖ് തലാല് അല് ഖാലിദ് അല് അഹ്മദ് അല് സബാഹിന്റെ നിര്ദേശപ്രകാരം ആഭ്യന്തര മന്ത്രാലയം അസിസ്റ്റന്റ് അണ്ടര് സെക്രട്ടറി ലെഫ്. ജനറല് അന്വര് അബ്ദുല് ലത്തീഫ് അല് ബര്ജാസാണ് പരിശോധന നടത്താന് ഉത്തരവിട്ടത്.
ഏഷ്യാനെറ്റ് ന്യൂസ് മലയാളത്തിലൂടെ Pravasi Malayali News ലോകവുമായി ബന്ധപ്പെടൂ. Gulf News in Malayalam ജീവിതാനുഭവങ്ങളും, അവരുടെ വിജയകഥകളും വെല്ലുവിളികളുമൊക്കെ — പ്രവാസലോകത്തിന്റെ സ്പന്ദനം നേരിട്ട് അനുഭവിക്കാൻ Asianet News Malayalam