രാഹുലും പാണ്ഡ്യയും പങ്കെടുത്ത ചാറ്റ് ഷോ ഹോട്ട്സ്റ്റാര് പിന്വലിച്ചു
Synopsis
'കോഫി വിത്ത് കരണ്' എന്ന ചാറ്റ് ഷോയിലെ സീസണ് ആറാമത്തെ എപ്പിസോഡാണ് വിവാദമായതിനെ തുടര്ന്ന് പിന്വലിച്ചത്. ഷോയില് സ്ത്രീ വിരുദ്ധ പരാമര്ശം നടത്തിയതിനെ തുടര്ന്ന് ഇരുവര്ക്കുമെതിരെ ബിസിസിഐ നടപടിക്ക് ശുപാര്ശ ചെയ്തിരുന്നു.
മുംബൈ: ക്രിക്കറ്റ് താരങ്ങളായ കെ.എല് രാഹുലും ഹാര്ദിക് പാണ്ഡ്യയും പങ്കെടുത്ത ടിവി ഷോ ഹോട്ട്സ്റ്റാറില്നിന്ന് പിന്വലിച്ചു. 'കോഫി വിത്ത് കരണ്' എന്ന ചാറ്റ് ഷോയിലെ സീസണ് ആറാമത്തെ എപ്പിസോഡാണ് വിവാദമായതിനെ തുടര്ന്ന് പിന്വലിച്ചത്. ഷോയില് സ്ത്രീ വിരുദ്ധ പരാമര്ശം നടത്തിയതിനെ തുടര്ന്ന് ഇരുവര്ക്കുമെതിരെ ബിസിസിഐ നടപടിക്ക് ശുപാര്ശ ചെയ്തിരുന്നു.
നിരവധി സ്ത്രീകളുമായി തനിക്ക് ലൈംഗിക ബന്ധമുണ്ടെന്നും ഇത്തരം കാര്യങ്ങളെക്കുറിച്ച് മാതാപിതാക്കള് അന്വേഷിക്കാറില്ലെന്നുമായിരുന്നു ഹാര്ദിക് പരിപാടിയുടെ അവതാരകനായ കരണ് ജോഹറിനോട് വെളിപ്പെടുത്തിയത്. ലൈംഗിക ബന്ധത്തില് ഏര്പ്പെടുന്ന ദിവസം ആ വിവരം മാതാപിതാക്കളോട് സംസാരിക്കാറുണ്ടെന്നും ഇത്തരം കാര്യങ്ങള് അവര് ചോദിക്കാതെ തന്നെയാണ് പറയുന്നതെന്നും ഹാര്ദിക് കൂട്ടിച്ചേര്ത്തു.
പരിപാടിയില് ഹാര്ദിക്കിനൊപ്പം പങ്കെടുത്ത കെ എല് രാഹുലും ലൈംഗിക ജീവിതത്തെക്കുറിച്ച് പരാമര്ശങ്ങള് നടത്തി. തന്റെ പോക്കറ്റില് നിന്ന് 18 വയസിനുള്ളില് പിതാവ് കോണ്ടം കണ്ടെത്തി ശാസിച്ച കാര്യമാണ് കെ എല് രാഹുല് തുറന്ന് പറഞ്ഞത്. സാമൂഹ്യമാധ്യമങ്ങളിലടക്കം രൂക്ഷ വിമര്ശനമാണ് താരങ്ങള്ക്ക് വെളിപ്പെടുത്തലുകള്ക്ക് പിന്നാലെ നേരിടേണ്ടി വന്നത്.
അച്ചടക്ക നടപടിയുടെ ഭാഗമായി ഇരു താരങ്ങളെയും രണ്ട് ഏകദിന മത്സരങ്ങളില് നിന്ന് വിലക്കണമെന്നാണ് സുപ്രീം കോടതി നിയമിച്ച കമ്മറ്റി തലവന് വിനോദ് റായ് സമിതി ശുപാര്ശ ചെയ്തത്. ഇന്ത്യ-ഓസ്ട്രേലിയ ഏകദിന പരമ്പരയിലെ ആദ്യ മത്സരം ശനിയാഴ്ച തുടങ്ങാനിരിക്കെയാണ് ഇരുതാരങ്ങള്ക്കും കനത്ത തിരിച്ചടിയാവുന്ന തീരുമാനം.
ഏഷ്യാനെറ്റ് ന്യൂസ് മലയാളത്തിലൂടെ Cricket News അറിയൂ. നിങ്ങളുടെ പ്രിയ ക്രിക്കറ്റ്ടീ മുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!