പിടിവിടാതെ കൊവിഡ് 19; വാക്സിനെത്തിയാലും ആശങ്കയൊഴിയില്ല
First Published Nov 17, 2020, 10:49 AM ISTകഴിഞ്ഞ 24 മണിക്കൂറിനിടെ ലോകത്ത് 5,04,547 പേര്ക്ക് കൊവിഡ് സ്ഥിരീകരിച്ചെന്ന് വേള്ഡോമീറ്ററിന്റെ കണക്കുകള് സൂചിപ്പിക്കുന്നു. അതൊടൊപ്പം 7,305 പേര്ക്ക് രോഗബാധയേ തുടര്ന്ന് ജീവന് നഷ്ടമായി. സ്ഥിരീകരിച്ച രോഗബാധിതരുടെ എണ്ണത്തിലും ജീവന് നഷ്ടമായവരുടെ എണ്ണത്തിലും ഇപ്പോഴും യുഎസ് ആണ് മുന്നില്. യുഎസില് ഇതുവരെയായി 1,15,38,057 പേര്ക്കാണ് കൊവിഡ് 19 സ്ഥിരീകരിച്ചത്. ഇതുവരെയായി അമേരിക്കയില് മാത്രം 2,52,651 പേര്ക്ക് ജീവന് നഷ്ടമായി. രോഗം സ്ഥിരീകരിച്ചവരുടെ എണ്ണത്തില് രണ്ടാമത് ഇന്ത്യയാണ്. 88,74,172 പേര്ക്കാണ് ഇന്ത്യയില് രോഗം സ്ഥിരീകരിച്ചത്. അതേസമയം മരണ സംഖ്യയില് ഇന്ത്യ മൂന്നാമതാണ്. ഇതുവരെയായി 1,30,559 പേര്ക്കാണ് കൊവിഡ് ബാധയേ തുടര്ന്ന് ഇന്ത്യയില് ജീവന് നഷ്ടമായത്. രോഗം സ്ഥിരീകരിച്ചവരുടെ എണ്ണത്തില് മൂന്നാമതുള്ള ബ്രസീലാകട്ടെ മരണ സംഖ്യയില് ഇന്ത്യയ്ക്കും മുകളിലാണ്. 58,76,740 പേര്ക്ക് രോഗബാധ സ്ഥിരീകരിച്ചപ്പോള് 1,66,067 പേര്ക്ക് ബ്രസീലില് ജീവന് നഷ്ടമായി. 19 ലക്ഷത്തിന് മേലെയാണ് ഫ്രാന്സിലും റഷ്യയിലും രോഗം സ്ഥിരീകരിച്ചവരുടെ കണക്ക്. മരണ സംഖ്യയില് അമേരിക്കയും ബ്രസീലും ഇന്ത്യയും കഴിഞ്ഞാല് മറ്റ് രാജ്യങ്ങളിലെല്ലാം 50,000 ത്തിലും താഴെയാണ്. എന്നാല് ഇന്നലെ മാത്രം യുഎസ് (739), ഫ്രാന്സ് (506), ഇറ്റലി (504) എന്നീ രാജ്യങ്ങളില് 500 മുകളില് മരണമാണ് രേഖപ്പെടുത്തിയത്. ഇന്നലെ ഇന്ത്യയില് 450 പേര്ക്ക് ജീവന് നഷ്ടമായി.