മൊസാംബിക്ക് ; ഇസ്ലാമിക തീവ്രവാദികള് 50 പേരെ കഴുത്തറുത്തു കൊന്നു
First Published Nov 10, 2020, 1:18 PM IST
ടന്സാനിയയുമായി അതിര്ത്തി പങ്കിടുന്ന മൊസാംബിക്കിന്റെ വടക്കൻ സംസ്ഥാനത്ത് ഇസ്ലാമിക തീവ്രവാദികള് 50 പേരെ കഴുത്തറുത്ത് കൊന്നു. തീവ്രവാദികള് ഒരു ഫുഡ്ബോള് മൈതാനം വധശിക്ഷാ കേന്ദ്രമാക്കി മാറ്റുകയായിരുന്നെന്ന് ബിബിസി റിപ്പോര്ട്ട് ചെയ്തു. 2017 മുതല് ഈ പ്രദേശത്ത് ഇസ്ലാമിക തീവ്രവാദികളുടെ സ്വാധീനത്തിലാണ്. പെട്രോളിയം ഗ്യാസ്, മരതക ഖനന വ്യവസായങ്ങളാല് സമ്പന്നമായ കാബോ ഡെൽഗഡോ പ്രവിശ്യയുടെ ഭാഗമായ ഈ പ്രദേശത്ത് കഴിഞ്ഞ മൂന്ന് വര്ഷത്തിനിടെ ഇസ്ലാമിക തീവ്രവാദികള് നടത്തിയ ഏറ്റവും രക്തരൂക്ഷിതമായ അക്രമണമാണിതെന്ന് റിപ്പോര്ട്ടുകള് പറയുന്നു. കഴിഞ്ഞ മൂന്ന് വര്ഷമായി നടക്കുന്ന ഇസ്ലാമിക തീവ്രവാദികളുടെ നിരന്തരമായ അക്രമണത്തില് ഇതുവരെയായി രണ്ടായിരത്തോളം ആളുകൾ ക്രൂരമായി കൊല്ലപ്പെടുകയും 4,30,000 പേർക്ക് വീട് നഷ്ടപ്പെടുകയും ചെയ്തെന്നാണ് റിപ്പോര്ട്ടുകള്.