പ്രളയമായി പെരുമഴ...; താഴ്ന്ന പ്രദേശങ്ങള്‍ ഒറ്റപ്പെട്ടു
First Published Aug 9, 2019, 9:33 AM IST
കേരളത്തില്‍ വീണ്ടുമൊരു പ്രളയകാലമാണ്. കണ്ണൂര്‍, വയനാട്, മലപ്പുറം, ഇടുക്കി ജില്ലകളിലെ താഴ്ന്ന പ്രദേശങ്ങള്‍ പലതും വെള്ളത്തിനടിയിലോ ഒറ്റപ്പെട്ട നിലയിലോ ആണ്. മിക്ക നദികളും കരകവിഞ്ഞൊഴുകുന്നു. ഭാരതപ്പുഴ ഇന്ന് പുലര്‍ച്ചയോടെ കരകവിഞ്ഞു. സംസ്ഥാനത്ത് ഇതുവരെയുള്ള മഴക്കെടുതിയില്‍ ഒമ്പത് പേര്‍ മരിച്ചെന്നാണ് ലഭ്യമായ വിവരം. മലപ്പുറത്തെ എടവണ്ണയിലെ ഒതായിയില്‍ വീട് ഇടിഞ്ഞ് മണ്ണിനടിയില്‍ കുടുങ്ങിയ നാല് പേർ മരിച്ചു. മൂന്നുപേരെ രക്ഷപ്പെടുത്തി. വയനാട് സൈന്യം രക്ഷാപ്രവര്‍ത്തനത്തിന് നേതൃത്വം നല്‍കുകയാണ്.