കലിപ്പിച്ച് മഴ ; ഇടിഞ്ഞ് വീണ് ഭൂമി...
First Published Aug 9, 2019, 12:20 PM ISTചുരുങ്ങിയ സമയത്തിനിടെ പെയ്തുവീണ മഴയ്ക്ക് കൈയും കണക്കുമില്ലാതായിരിക്കുന്നു. ചെറിയ സമയത്തിനുള്ളില്‍ ഇത്രയേറെ വെള്ളം താങ്ങാനാകാതെ പലസ്ഥലങ്ങളിലും ഭൂമി തെന്നിമാറി തുടങ്ങിയിരിക്കുന്നു. ഇടുക്കി, കണ്ണൂര്‍, വയനാട്, പാലക്കാട്, മലപ്പുറം ജില്ലകളില്‍ നിരവധി സ്ഥലങ്ങളിലാണ് ഉരുള്‍പൊട്ടിയത്. നിരവധി പേര്‍ മണ്ണിനടിയിലാണ്. ഇപ്പോഴും എത്തിച്ചേരാന്‍ പറ്റാത്ത സ്ഥലങ്ങളും ഉണ്ട്. ഇതിനിടെ അതിതീവ്ര മഴയേ തുടര്‍ന്ന് കേന്ദ്ര കാലാവസ്ഥാ വകുപ്പ് 9 ജില്ലകളില്‍ കൂടി റെഡ് അലര്‍ട്ട് പ്രഖ്യാപിച്ചു. വിവിധ സ്ഥലങ്ങളില്‍ നാട്ടുകാരുടെ നേത്വത്തിലാണ് രക്ഷാപ്രവര്‍ത്തനം നടക്കുന്നത്. വയനാട് സൈന്യത്തിന്‍റെ സഹായം ലഭ്യമാക്കിയിട്ടുണ്ട്.