'ഘര് ജാനേ ദോ'യെന്ന് തൊഴിലാളികള് ; ലാത്തി വീശി പൊലീസ്
First Published Apr 15, 2020, 11:56 AM ISTഇതിനിടെയാണ് ബീഹാര്, ഒറീസ, യുപി, രാജസ്ഥാന്, ജാര്ഖണ്ഡ്, ഉത്തരാഖണ്ഡ് തുടങ്ങിയ സംസ്ഥാനങ്ങളില് നിന്ന് 200 ഉം 300 ഉം കിലോമീറ്റര് ദൂരെയുള്ള മഹാനഗരങ്ങലേക്ക് ഭാഗ്യാന്വേഷികളായെത്തിയ അരപ്പട്ടിണിക്കാരായ കുടിയേറ്റ തൊഴിലാളികളും ജീവിക്കുന്നത്. ഒരു ദിവസം മുഴുവനും ജോലി ചെയ്താല് വീട്ടിലേക്കുള്ളത് മാറ്റി വച്ചാല് ബാക്കിയൊന്നുമില്ലാതെ ദിവസങ്ങള് തള്ളി നീക്കുന്ന കുടിയേറ്റ തൊഴിലാളികള്. ഇന്നല്ലെങ്കില് നാളെ നല്ലൊരു ജീവിതം സ്വപ്നം കണ്ട് മഹാനഗരങ്ങളില് അരപ്പട്ടിണി കിടന്നവര്. അവര് സഹികെട്ട് പല തവണ സംഘടിച്ചു. ദില്ലിയില്, ഗുജറാത്തില്, കേരളത്തില് ഏറ്റവും ഒടുവില് ഇന്ത്യയിലെ ഏറ്റവും വലിയ കൊറോണാ വൈറസ് ഹോട്ട്സ്പോട്ടായ മുംബൈയില്.