പുതിയ പരിസ്ഥിതി - തൊഴില് നിയമം ; തെരുവില് യുദ്ധം ചെയ്ത് ഇന്തോനേഷ്യന് ജനത
നിലവിലുള്ള തൊഴില് - പരിസ്ഥിതി നിയമങ്ങളെ അട്ടിമറിച്ച ഇന്തോനേഷ്യന് ഭരണകൂടത്തിന്റെ നടപടികള്ക്കെതിരെ പതിനായിരക്കണക്കിന് പ്രക്ഷോഭകര് കഴിഞ്ഞ നാല് ദിവസമായി ഇന്തോനേഷ്യന് തെരുവുകളില് പ്രതിഷേധത്തിലാണ്. തൊഴില് - പരിസ്ഥിതി നിയമങ്ങള് വിദേശ നിക്ഷേപകര്ക്ക് സൌകര്യപ്രദമായ രീതിയില് മാറ്റിയെഴുതിയെന്നും ഇത് രാജ്യത്തെ തൊഴില് - പരിസ്ഥിതി മേഖലകളെ ദുര്ബലപ്പെടുത്തുമെന്നാരോപിച്ചാണ് ജനങ്ങള് തെരുവിലിറങ്ങിയത്. ആദ്യ ദിവസങ്ങളില് ചില പരിസ്ഥിതി സംഘടനകളും തൊഴിലാളികളുമാണ് സമരരംഗത്തിറങ്ങിയതെങ്കില് രണ്ടാം ദിവസം മുതല് വിദ്യാര്ത്ഥി സംഘടനകളും തെരുവുകളില് പ്രക്ഷോഭവുമായി ഇറങ്ങി. ഇതോടൊ പൊലീസും സമരക്കാരും തമ്മില് സംഘര്ഷം ഉടലെടുത്തു. കഴിഞ്ഞ ദിവസം ഏതാണ്ട് പതിനായിരക്കണക്കിന് സമരക്കാര് തെരുവിലെത്തിയെന്ന് ബിബിസി റിപ്പോര്ട്ട് ചെയ്തു. ഇന്തോനേഷ്യയിലെമ്പാടും സമരങ്ങള് നടന്നു. തലസ്ഥാനമായ ജക്കാര്ത്തയില് മാത്രം നൂറുകണക്കിന് സമരക്കാരെ പൊലീസ് അറസ്റ്റ് ചെയ്തു. ഇതിനിടെ ഓമ്നിബസ് തൊഴിലവസരങ്ങള് സൃഷ്ടിക്കുന്നതിനുള്ള ബില് കഴിഞ്ഞ തിങ്കളാഴ്ച നിയമമായി. കൊവിഡ് 19 ന്റെ വ്യാപനം സൃഷ്ടിച്ച സാമ്പത്തിക പ്രതിസന്ധി മറികടക്കാന് മാറ്റങ്ങള് ആവശ്യമാണെന്നാണ് സര്ക്കാര് നിലപാട്. സമാധാനപരമായി നടന്ന സമരം കഴിഞ്ഞ മൂന്ന് ദിവസങ്ങളിലായി ശക്തമായ സംഘര്ഷമാണ് രാജ്യത്ത് സൃഷ്ടിച്ചത്.
130
തലസ്ഥാനമായ ജക്കാർത്തയിലും ബന്ദൂംഗ് പോലുള്ള നഗരങ്ങളിലും സമരം അക്ഷരാര്ത്ഥത്തില് അക്രമാസക്തമായി. 400 പ്രതിഷേധക്കാരെ ഇന്തോനേഷ്യൻ പൊലീസ് കസ്റ്റഡിയിലെടുത്തതായാണ് പുറത്ത് വരുന്ന റിപ്പോര്ട്ടുകള്.
തലസ്ഥാനമായ ജക്കാർത്തയിലും ബന്ദൂംഗ് പോലുള്ള നഗരങ്ങളിലും സമരം അക്ഷരാര്ത്ഥത്തില് അക്രമാസക്തമായി. 400 പ്രതിഷേധക്കാരെ ഇന്തോനേഷ്യൻ പൊലീസ് കസ്റ്റഡിയിലെടുത്തതായാണ് പുറത്ത് വരുന്ന റിപ്പോര്ട്ടുകള്.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam
click me!