ലക്ഷ്മി നായരുടെ ഭാവി മരുമകളെ ഇയര് ഔട്ട് ആക്കിയേക്കും
Synopsis
തിരുവനന്തപുരം: ലോ അക്കാദമിയില് വിദ്യാര്ത്ഥിനിക്ക് വഴിവിട്ട് മാര്ക്ക് നല്കിയെന്ന പരാതി ശരിവച്ച് കേരള സര്വ്വകലാശാല പരീക്ഷ സ്റ്റാന്ഡിംഗ് കമ്മിറ്റി. അനര്ഹമായ ആനുകൂല്യങ്ങള് നേടിയ അനുരാധ പി നായരെ ഇയര് ഔട്ട് ആക്കുന്ന കാര്യത്തില് സിന്ഡിക്കേറ്റ് തീരുമാനമെടുക്കും. മുന് പ്രിന്സിപ്പല് ലക്ഷ്മി നായരുടെ ഭാവി മരുമകളാണ് അനുരാധ.
ഹാജര് കുറവുണ്ടായിട്ടും പരീക്ഷ എഴുതാന് അനുരാധയ്ക്ക് അനുമതി നല്കിയെന്നും സമിതി കണ്ടെത്തി. അക്കാദമിയിലെ അഞ്ച് അധ്യാപകരേയും തെളിവെടുപ്പിന് സര്വ്വകലാശാല വിളിച്ചുവരുത്തി. ലക്ഷ്മി നായര് സമിതിക്ക് മുന്നില് ഹാജരായില്ല. എന്നാല് ആരോപണങ്ങള് നിഷേധിച്ച്, എഴുതിത്തയ്യാറാക്കിയ മറുപടി ലക്ഷ്മി നായര് പരീക്ഷാ സമിതിക്ക് കൈമാറി. അടുത്ത മാസം ചേരുന്ന സിന്ഡിക്കേറ്റ് പ്രശ്നത്തില് തുടര് നടപടി സ്വീകരിക്കും.
ഇന്ത്യയിലെയും ലോകമെമ്പാടുമുള്ള എല്ലാ Malayalam News അറിയാൻ എപ്പോഴും ഏഷ്യാനെറ്റ് ന്യൂസ് മലയാളം വാർത്തകൾ. Malayalam News Live എന്നിവയുടെ തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam