ഇത് പെരുന്നാള് റിലീസുകള്ക്ക് മുന്പുള്ള ട്രെയ്ലര്! ഈ വാരം നാല് സിനിമകള്
First Published May 29, 2019, 11:24 PM ISTമലയാളത്തില് ഇനി വരാനിരിക്കുന്ന സിനിമകളൊക്കെ പെരുന്നാള് റിലീസ് കാത്തുനില്ക്കുകയാണ്. റംസാന് കാലമായതിനാല് ഏതാനും ആഴ്ചകളായി മലയാളത്തില് വലിയ റിലീസുകളൊന്നും ഉണ്ടായിരുന്നില്ല. ആ ഇടവേള പ്രയോജനപ്പെടുത്തി, തീയേറ്ററുകളിലെത്തി ശ്രദ്ധ നേടിയത് അനുരാജ് മനോഹറിന്റെ സംവിധാനത്തില് ഷെയ്ന് നിഗം നായകനായ 'ഇഷ്ക്' ആയിരുന്നു. മികച്ച മൗത്ത് പബ്ലിസിറ്റി നേടിയ ചിത്രത്തിന് തീയേറ്ററുകളില് ഇപ്പോഴും തിരക്കുണ്ട്. മലയാളം റിലീസുകളൊന്നുമില്ലെങ്കിലും ഈയാഴ്ചയും തീയേറ്ററുകളിലേക്ക് പുതിയ സിനിമകള് എത്തുന്നുണ്ട്. തമിഴിലും ഇംഗ്ലീഷിലുമായി നാല് ചിത്രങ്ങളാണ് ഈ വാരം തീയേറ്ററുകളിലെത്തുക.