കൊമ്പന്‍ സ്രാവിനെ പിടിച്ച നീര്‍നായ; തരംഗമായി ചിത്രങ്ങള്‍
First Published Nov 23, 2020, 2:19 PM ISTഅമരത്തില്‍ മമ്മൂട്ടി അഭിനയിച്ച അച്ചു എന്ന കഥാപാത്രം തന്‍റെ ഒറ്റ മകളെ (മാതു) കല്യാണം കഴിച്ച് കൊണ്ട് പോയ രാഘവനെ (അശോകന്‍) വെല്ലുവിളിക്കുന്നത്, "അരയന്‍റെ ചൂരും ചൊണയുമൊണ്ടങ്കിലേ... പൊറം കടലീപ്പോയി നീയൊരു കൊമ്പനെ പിടിച്ചോണ്ട് വാ. എന്നിട്ട് പ്രസംഗിക്ക്. അല്ലാതെ അരയനെന്ന് പറഞ്ഞാലൊണ്ടല്ലാ... മൊകത്ത് ഞാനാട്ടും." എന്ന് പറഞ്ഞാണ്. അതെ കടപ്പുറത്ത് കൈ തെളിഞ്ഞ ഒത്ത ഒരു അരയനെന്ന് തെളിയിക്കണമെങ്കില്‍ ഒറ്റയ്ക്ക് പുറങ്കടലില്‍ പോയി കൊമ്പന്‍ സ്രാവിനെ പിടിച്ചോണ്ട് വരണമായിരുന്നു. അരയന്‍റെ കരുത്തും കഴിവും തെളിയിക്കാനുള്ള അവസരമാണത്. മത്തിയോ, അയലയോ പിടിക്കും പോലെ എളുപ്പമല്ല കൊമ്പന്‍ സ്രാവിനെ പിടിക്കുന്നതെന്നത് തന്നെയാണ് ആ വെല്ലുവിളിയുടെ അര്‍ത്ഥവും. എന്നാല്‍ ഇപ്പോള്‍ സമൂഹമാധ്യമങ്ങളില്‍ തരംഗമാകുന്നത് ഒരു കൊമ്പന്‍ സ്രാവിനെ പിടികൂടിയ നീര്‍നായയുടെ ചിത്രങ്ങളാണ്.