' ശ്രീപത്മനാഭാ... നീയും പോവുകയാണോ' ? ; തിരുവനന്തപുരം മേയര്‍ക്ക് അഭിനന്ദന ട്രോളുകള്‍
First Published Aug 15, 2019, 10:11 AM ISTചില പഴംചൊല്ലുകളെങ്കിലും പഴഞ്ചനായി പോയെന്ന് അടിവരയിടുകയാണ് ട്രോളന്മാര്‍. പ്രളയം മലയാളിയെ എങ്ങനെയെല്ലാം പുതുക്കിപ്പണിയുന്നുവെന്നതിന്‍റെ തെളുവുകൂടിയാണ് ഈ ട്രോളുകള്‍. തെക്കനെയും മൂര്‍ഖനെയും ഒന്നിച്ച് കണ്ടാല്‍ തെക്കനെ ആദ്യം തല്ലണമെന്ന നാടന്‍ പഴമൊഴി രണ്ടാം പ്രളയവേളയില്‍ ഉയര്‍ന്നു കേട്ടു. പക്ഷേ, അതിന് വാക്കുകൊണ്ടായിരുന്നില്ല തെക്കിന്‍റെ മറുപടി. പകരം, തിരുവനന്തപുരത്തിന്‍റെ നഗര പിതാവിന് പിന്നില്‍ അവര്‍ ഒരോരുത്തരായി അണിനിരന്നു. കഴിഞ്ഞ പ്രളയകാലത്ത് വാസുകി ഐഎഎസ് മുന്നില്‍ നിന്ന് നയിച്ചപ്പോള്‍. ഇത്തവണ നഗരപിതാവ് വി കെ പ്രശാന്തായിരുന്നു ആ നായക സ്ഥാനം ഏറ്റെടുത്തത്. അദ്ദേഹത്തിന്‍റെ നേതൃത്വത്തില്‍ തിരുവനന്തപുരം നഗരസഭയില്‍ നിന്ന് മാത്രം ഇന്ന് ഇതുവരെയായി 54 ലോറികളാണ് മലബാറിലെ ദുരിതാശ്വാസ ക്യാമ്പുകളിലേക്ക് സ്നേഹവും നിറച്ച് പോയത്. കാണാം രസകരമായ ട്രോളുകള്‍.