ദില്ലി ചലോ; കൊവിഡിനെക്കാള് ഭീഷണി സര്ക്കാറിന്റെ കര്ഷക നിയമമെന്ന് കര്ഷക സംഘടനകള്
ദില്ലി ചലോ മുദ്രാവാക്യമുയര്ത്തി രാജ്യത്തെ 200 ഓളം കര്ഷക സംഘടനകളും അത്രതന്നെ തൊഴിലാളി സംഘടനകളുടെയും പിന്തുണയുമായി തുടങ്ങിയ സമരം ആറാം ദിവസത്തിലേക്ക് കടന്നു. ഇതിനിടെ കര്ഷകര് ന്യായമായ ആവശ്യത്തിനായി ആരംഭിച്ച സമരത്തെ ഇല്ലാതാക്കാന് എന്ഡിഎ സര്ക്കാര് ശ്രമിക്കുന്നതായി കര്ഷക സംഘടനകള് ആരോപിച്ചു. ഇതിന്റെ ഭാഗമായിട്ടാണ് 500 സംഘടനകള് സംയുക്തമായി ആരംഭിച്ച കര്ഷക സമരത്തില് നിന്ന് വെറും 32 കര്ഷക സംഘടനകളെ മാത്രം കേന്ദ്ര സര്ക്കാര് ചര്ച്ചയ്ക്ക് ക്ഷണിച്ചതെന്ന് കര്ഷക സംഘടനകള് ആരോപിച്ചു. സമരം ദില്ലിയിലെത്തി ചേര്ന്ന നവംബര് 26, 27 തിയതികളില് ദില്ലിയുടെ അതിര്ത്തികളില് അക്ഷരാര്ത്ഥത്തില് ദില്ലി പൊലീസും കര്ഷകരും തമ്മില് നേരിട്ട് ഏറ്റുമുട്ടുകയായിരുന്നു. രണ്ട് ദിവസം നീണ്ട ഏറ്റുമുട്ടലിന് അവസാനം ദില്ലി പൊലീസ് മുട്ടുമടക്കുകയും കര്ഷകരെ ദില്ലിയിലേക്ക് കടക്കാന് അനുവദിക്കുകയായിരുന്നു. എന്നാല് കര്ഷകര്ക്കെതിരെ പൊലീസിനെയും അര്ദ്ധസൈനീക വിഭാഗത്തെത്തും നിരത്തിയ സര്ക്കാര് നീക്കത്തില് പ്രതിഷേധിച്ച് ഒരു വിഭാഗം കര്ഷകര് ദില്ലിയുടെ അതിര്ത്തികളില് തന്നെ നിലയുറപ്പിക്കുകയായിരുന്നു. ഇപ്പോള് ദില്ലിയുടെ മൂന്ന് അതിര്ത്തി റോഡുകള് കര്ഷകര് കൈയടക്കിക്കഴിഞ്ഞു. മൂന്ന് ലക്ഷത്തിലധികം കര്ഷകര് സമരത്തിനെത്തി ചേര്ന്നുവെന്ന് കര്ഷക സംഘടനകള് അവകാശപ്പെട്ടു. ചിത്രങ്ങള്: ഏഷ്യാനെറ്റ് ന്യൂസ് ക്യാമറാമാന് വടിവേല് സി.
124
കാര്ഷിക നിയമം പിൻവലിക്കണമെന്ന് ആവശ്യപ്പെട്ടുള്ള കർഷക സമരം ചർച്ച ചെയ്യാൻ കേന്ദ്ര സർക്കാർ വിളിച്ച് യോഗത്തിലേക്ക് 32 കർഷക സംഘടനകൾക്ക് മാത്രം ക്ഷണം.
കാര്ഷിക നിയമം പിൻവലിക്കണമെന്ന് ആവശ്യപ്പെട്ടുള്ള കർഷക സമരം ചർച്ച ചെയ്യാൻ കേന്ദ്ര സർക്കാർ വിളിച്ച് യോഗത്തിലേക്ക് 32 കർഷക സംഘടനകൾക്ക് മാത്രം ക്ഷണം.
click me!