ചെളിയില് താഴ്ന്ന് ഒരു ഫോസില് ആകില്ല നീ ! കെനിയയില് നിന്ന് ഒരു രക്ഷപ്പെടുത്തലിന്റെ കഥ
First Published Jul 3, 2021, 11:45 AM ISTകാടിന്റെ ജൈവീകമായ ആവാസവ്യവസ്ഥ ഉപേക്ഷിച്ച് ഒറ്റപ്പെട്ട സമൂഹമായി ജീവിതമാരംഭിച്ചത് മുതലാകാം മനുഷ്യനും മൃഗങ്ങളും തമ്മിലുള്ള സംഘര്ഷത്തിന്റെ തുടക്കം. വിശക്കുമ്പോഴും ഭയക്കുമ്പോഴുമാണ് മൃഗങ്ങള് മനുഷ്യനെ അക്രമിച്ചതെങ്കില് മനുഷ്യന് പക്ഷേ, ആനന്ദത്തിനും വിപണിക്കും ഭക്ഷണത്തിനും വേണ്ടി മഗങ്ങളെ ഉന്മൂലനം ചെയ്യാന് മടികാണിച്ചിരുന്നില്ല. എന്തിന് ചില മനുഷ്യ വംശങ്ങളെ ( അമേരിക്കന് റെഡ് ഇന്ത്യന്സ് ) ഉന്മൂലനം ചെയ്യാന് അവരുടെ പ്രധാന ഭക്ഷണമായ മൃഗങ്ങളെ ഉന്മൂലനം ചെയ്ത ചരിത്രം വരെയുണ്ട് മനുഷ്യന്. മനുഷ്യനും മൃഗങ്ങളും തമ്മിലുള്ള സംഘര്ഷത്തിന്റെ ഏറ്റവും ഒടുവിലത്തെ ഉദാഹരണമാണ്, അടിമലത്തുറയില് ചൂണ്ടക്കൊളുത്തില് തൂക്കി ബ്രൂണോ എന്ന നായയെ പ്രായപൂര്ത്തിയാകാത്ത കൌമാരക്കാരടക്കം ചേര്ന്ന് തല്ലിക്കൊന്ന് കടലിലെറിഞ്ഞത്. എന്നാല് എല്ലാ മനുഷ്യരും ഇതേ വികാരത്തോടെയല്ല ജീവിക്കുന്നതെന്നും ബ്രൂണോയ്ക്ക് വേണ്ടി ഇന്നലെ സെക്രട്ടേറിയേറ്റ് പടിക്കല് നടന്ന പ്രതിഷേധം കാണിക്കുന്നു. അങ്ങ് ആഫ്രിക്കന് വന്കരയിലെ കെനിയയില് കഴിഞ്ഞ മാസം മുമ്പ് നടത്തിയ ഒരു രക്ഷപ്പെടുത്തലിന്റെ കഥ കേള്ക്കാം.