വ്യക്തമായ തെളിവുകൾ ഹാജരാക്കാൻ പൊലീസിന് സാധിച്ചിട്ടില്ലെന്ന് ചൂണ്ടിക്കാട്ടിയാണ് എല്ലാ പ്രതികളെയും കുറ്റവിമുക്തരാക്കിയുള്ള കോടതി ഉത്തരവ്.
ദില്ലി: ചീഫ് സെക്രട്ടറിയെ കയ്യേറ്റം ചെയ്തുവെന്ന കേസിൽ മുഖ്യമന്ത്രി അരവിന്ദ് കെജ്രിവാൾ, ഉപമുഖ്യമന്ത്രി മനീഷ് സിസോദിയ, എട്ട് എംഎൽ.എമാര്‍ എന്നിവരെ ദില്ലി പ്രത്യേക കോടതി കുറ്റവിമുക്തരാക്കി. വ്യക്തമായ തെളിവുകൾ ഹാജരാക്കാൻ പൊലീസിന് സാധിച്ചിട്ടില്ലെന്ന് ചൂണ്ടിക്കാട്ടിയാണ് എല്ലാ പ്രതികളെയും കുറ്റവിമുക്തരാക്കിയുള്ള കോടതി ഉത്തരവ്.
2018 ൽ മുഖ്യമന്ത്രിയുടെ വസതിയിൽ വിളിച്ച യോഗത്തിൽ തന്നെ കയ്യേറ്റം ചെയ്തുവെന്ന് ആരോപിച്ച് ചീഫ് സെക്രട്ടറിയായിരുന്ന അൻഷു പ്രകാശാണ് പൊലീസിന് പരാതി നൽകിയത്. പരാതിയിൽ അന്വേഷണം നടത്തിയ ദില്ലി പൊലീസ് കെജരിവാൾ ഉൾപ്പടെയുള്ളവര്‍ക്കെതിരെ കുറ്റപത്രം നൽകുകയായിരുന്നു. എന്നാൽ വ്യക്തമായ തെളിവില്ലെന്ന് കാണിച്ചാണ് കോടതി നടപടി.