Malayalam News Live: മഞ്ഞകുറ്റി സർക്കാർ ഔദ്യോഗികമായി വലിച്ചെറിയുമോ? സുപ്രധാന തീരുമാനം ഇന്നത്തെ മന്ത്രിസഭ യോഗത്തിലുണ്ടായേക്കും; കെ റെയിൽ വിജ്ഞാപനം റദ്ദാക്കിയേക്കും

വി ഡി സതീശൻ സർക്കാർ കെ റെയിൽ സിൽവർ ലൈൻ പദ്ധതി റദ്ദാക്കിയേക്കുമെന്ന സൂചനകൾക്കിടെ നിർണായക മന്ത്രിസഭ യോഗം ഇന്ന് ചേരുന്നു. പദ്ധതിയുടെ വിജ്ഞാപനങ്ങൾ റദ്ദാക്കുന്നതിനൊപ്പം, പുതിയ മന്ത്രിസഭയിലെ വകുപ്പ് വിഭജന തർക്കങ്ങളും ഈ യോഗത്തിൽ ചർച്ചയായേക്കും

വി ഡി സതീശൻ സർക്കാർ അധികാരമേറ്റ് മൂന്ന് ദിവസമായിട്ടും വകുപ്പ് വിഭജനം പൂർത്തിയായിട്ടില്ല. ഫിഷറീസ് വകുപ്പിനെ ചൊല്ലിയുള്ള തർക്കം രൂക്ഷമായി തുടരുന്നതാണ് പ്രതിസന്ധിക്ക് കാരണം. ഇന്ന് ചേരുന്ന രണ്ടാം മന്ത്രിസഭാ യോഗത്തിൽ വിഷയത്തിൽ അന്തിമ തീരുമാനമുണ്ടായേക്കുമെന്നാണ് പ്രതീക്ഷ

റഷ്യൻ പ്രസിഡന്റ് വ്ലാഡിമിർ പുടിൻ രണ്ടു ദിവസത്തെ സന്ദർശനത്തിനായി ചൈനയിലെത്തി. ചൈനീസ് പ്രസിഡന്റ് ഷി ജിൻപിംഗുമായി ഇന്ന് കൂടിക്കാഴ്ച നടത്തുന്ന അദ്ദേഹം, യുക്രൈൻ, ഇറാൻ വിഷയങ്ങൾ ചർച്ച ചെയ്യുകയും ഊർജ സുരക്ഷ ഉൾപ്പെടെ നാൽപ്പതോളം പുതിയ കരാറുകളിൽ ഒപ്പുവെക്കുകയും ചെയ്യും