മത്സ്യബന്ധനത്തിന് പോയ വയോധികനെ പുഴയില് മുങ്ങിമരിച്ച നിലയില് കണ്ടെത്തി. പയ്യോളി കൊളാവിപാലം ബീച്ചിന് സമീപം താമസിക്കുന്ന ചെറിയാവി കുഞ്ഞിക്കണ്ണന്(78) ആണ് മരിച്ചത്
കോഴിക്കോട്: മത്സ്യബന്ധനത്തിന് പോയ വയോധികനെ പുഴയില് മുങ്ങിമരിച്ച നിലയില് കണ്ടെത്തി. പയ്യോളി കൊളാവിപാലം ബീച്ചിന് സമീപം താമസിക്കുന്ന ചെറിയാവി കുഞ്ഞിക്കണ്ണന്(78) ആണ് മരിച്ചത്. രാവിലെ ഏഴോടെയാണ് മൃതദേഹം കണ്ടെത്തിയത്. പുലര്ച്ചെ നാലോടെയാണ് കുഞ്ഞിക്കണ്ണന് മത്സ്യബന്ധനത്തിനായി പോയത്. പിന്നീട് കാണാതാവുകയായിരുന്നു. ആളില്ലാത്ത തോണി ഒഴുകി നടക്കുന്നത് കണ്ട് മറ്റ് മത്സ്യതൊഴിലാളികള്ക്ക് സംശയം തോന്നിയതിനെ തുടര്ന്നാണ് തിരച്ചില് നടത്തിയത്. പുഴയിലെ കണ്ടല്ക്കാടുകള്ക്കിടയില് കുടുങ്ങിക്കിടക്കുന്ന രീതിയിലാണ് മൃതദേഹമുണ്ടായിരുന്നത്. വിവരം അറിയിച്ചതിനെ തുടര്ന്ന് പൊലീസ് സംഭവ സ്ഥലത്തെത്തി. പിന്നീട് നാട്ടുകാരുടെ സഹായത്തോടെ മൃതദേഹം പുറത്തെടുക്കുകയായിരുന്നു. പോസ്റ്റ്മോര്ട്ടം നടപടിക്ക് ശേഷം മൃതദേഹം ബന്ധുക്കള്ക്ക് വിട്ടുനല്കി.
Add Asianetnews as a Preferred Source
