ഐടി നിയമത്തിലെ വകുപ്പുകൾ പ്രകാരം തിരുവനന്തപുരം മ്യൂസിയം പൊലീസ് രജിസ്റ്റ‍ർ ചെയ്ത കേസ് ഉടനെ തിരുവനന്തപുരം സൈബ‍ർ ക്രൈം പൊലീസിന് കൈമാറും.
തിരുവനന്തപുരം: ഡബിംഗ് ആ‍ർട്ടിസ്റ്റ് ഭാഗ്യലക്ഷ്മി നൽകിയ പരാതിയിൽ സംവിധായകൻ ശാന്തിവിള ദിനേശിനെതിരെ പൊലീസ് കേസെടുത്തു. തന്നെ പറ്റി അപവാദ പരാമർശമുള്ള വീഡിയോ യൂടുബിൽ അപ്ലോഡ് ചെയ്തെന്ന് കാണിച്ച് ഭാഗ്യലക്ഷ്മി നൽകിയ പരാതിയിലാണ് പൊലീസിൻ്റെ നടപടി.
മുഖ്യമന്ത്രിക്കും ഡിജിപിക്കുമാണ് ഭാഗ്യലക്ഷ്മി പരാതി നൽകിയത്. ഐടി നിയമത്തിലെ വകുപ്പുകൾ പ്രകാരം തിരുവനന്തപുരം മ്യൂസിയം പൊലീസ് രജിസ്റ്റ‍ർ ചെയ്ത കേസ് ഉടനെ തിരുവനന്തപുരം സൈബ‍ർ ക്രൈം പൊലീസിന് കൈമാറും.
നേരത്തെയും ഭാഗ്യലക്ഷ്മി ശാന്തിവിള ദിനേശിനെതിരെ പരാതി നൽകുകയും മ്യൂസിയം പൊലീസ് കേസെടുക്കുകയും ചെയ്തിരുന്നു. ഈ കേസിൽ ശാന്തിവിള ദിനേശ് കോടതിയിൽ പോയി മുൻകൂ‍ർ ജാമ്യം നേടിയിരുന്നു.
മറ്റൊരു യൂട്യൂബറായ വിജയ് പി നായരെ അയാളുടെ താമസസ്ഥലത്ത് എത്തി മ‍ർദ്ദിച്ച കേസിൽ ദിവസങ്ങൾ നീണ്ട വാദത്തിനൊടുവിലാണ് കേരള ഹൈക്കോടതി ഭാഗ്യലക്ഷ്മിക്കും കൂട്ടാളികളായ ദിയ സന്ന, ശ്രീലക്ഷ്മി അറയ്ക്കൽ എന്നിവ‍ർക്കും ജാമ്യം അനുവദിച്ചത്.