മഹാബലി കണ്ട തിരുവോണക്കാഴ്ചകള്‍ കാണാം
First Published Sep 11, 2019, 12:15 PM ISTമഹാബലിയുടെ സുന്ദര കേരളത്തെ കുറിച്ചുള്ള പാട്ടുകളുടെ അലയൊലികള്‍ പോലും ഇന്ന് എവിടെയും കേള്‍ക്കാനില്ല. തിരുവനന്തപുരം നഗരത്തിലൂടെയുള്ള ഒരു ഉത്രാടപ്പാച്ചലിനിടെ പലപ്പോഴും " ഓടുമാ... ഡോലുമാ ... " എന്ന തമിഴ് സിനിമാ ഗാനം നിങ്ങള്‍ കേട്ടിരിക്കുമെങ്കിലും ഓണപ്പാട്ട് കേള്‍ക്കാന്‍ പഴയ കാസറ്റ് കട തപ്പി പോകേണ്ടിവരും. അതേ, കേരളം സര്‍വ്വത്രമാറിയിരിക്കുന്നു. ഈ മാറ്റമാണ് ഒരു സമൂഹത്തെ ജൈവീകമായി നിലനിര്‍ത്തുന്നതും. അസുര രാജാവിന്‍റെ കള്ളവും പൊളിവചനം പോലുമില്ലാതിരുന്ന ഐതീഹ്യ കേരളം ഇന്ന് ജനാധിപത്യ ഇന്ത്യയിലെ ഒരു സംസ്ഥാനമായി മാറിയിരിക്കുന്നു. തിരുവോണ നാളായ ഇന്ന് വര്‍ഷാവര്‍ഷം കേരളം കാണാനെത്തുന്ന മഹാബലി കാണാന്‍ സാധ്യതയുള്ള ചില ഓണക്കാഴ്ചകള്‍ കാണാം..