ലോകത്തിലെ ഏകാന്തനായ ആന കാവന് ഇനി കംബോഡിയയില് വിശ്രമ ജീവിതം
First Published Dec 1, 2020, 12:45 PM ISTപാകിസ്ഥാനിലെ ഏക ആനയും, ലോകത്തിലെ ഏറ്റവും ഏകാന്തനായ ആനയുമായ കാവന് ഇനി കംബോഡിയയില് വിശ്രമ ജീവിതം. മുപ്പത്തിയഞ്ച് വര്ഷത്തെ നരകയാതനയ്ക്കൊടുവിലാണ് കാവന് മോചനം സാധ്യമാകുന്നത്. കഴിഞ്ഞ നാല് വര്ഷമായി കാവന്റെ മോചനത്തിനായി പാകിസ്ഥാനിലെ ഫ്രന്റ്സ് ഓഫ് ഇസ്ലാമബാദ് സൂ എന്ന സന്നദ്ധ സംഘടന ശ്രമിച്ച് വരികയായിരുന്നു. എന്നാല് പാകിസ്ഥാനിലെ രാഷ്ട്രീയാസ്ഥിരതയും ഉദ്യോഗസ്ഥ അപ്രമാധിത്വവും അതിന് തടസമായി. ഒടുവില് ഓസ്കാര് അവാര്ഡ് ജേതാവും ഗായികയുമായ ഷേര് നേരിട്ട് പാകിസ്ഥാനിലെത്തി പ്രധാനമന്ത്രി ഇമ്രാന്ഖാനുമായി കാവന്റെ ചര്ച്ചകള്വരെ നടത്തി. ഓടുവില് കംബോഡിയയിലേക്ക് പോകാന് കാവന് അനുമതി ലഭിച്ചു.