നിയമസഭയിലേക്ക് ഇനി ഇവര് അഞ്ച് പേരും
First Published Oct 24, 2019, 1:03 PM ISTഒഴിവ് വന്ന വട്ടിയൂര്കാവ്, കോന്നി, അരൂര്, എറണാകുളം, മഞ്ചേശ്വരം എന്നീ അഞ്ച് മണ്ഡലങ്ങളിലേക്കാണ് ഇപ്പോള് കേരളത്തില് ഉപതെരഞ്ഞെടുപ്പ് നടന്നത്. ഇതില് മൂന്നെണ്ണത്തില് കേണ്ഗ്രസും രണ്ടെണ്ണത്തില് സിപിഎമ്മും വിജയിച്ചു. വട്ടിയൂര്ക്കാവും കോന്നിയും കോണ്ഗ്രസില് നിന്ന് സിപിഎം തിരിച്ച് പിടിച്ചപ്പോള് ലോകസഭാ തെരഞ്ഞെടുപ്പിലെ സിപിഎമ്മിന്റെ ഏക വിജയമായിരുന്ന ആരിഫിന്റെ അരൂര് മണ്ഡലം കോണ്ഗ്രസിന്റെ ഷാനിമോള് ഉസ്മാന് മുന്നില് സിപിഎം അടിയറവ് വച്ചു.
ബിജെപി - ആര്എസ്എസ് കൂട്ടുക്കെട്ടിലുണ്ടായിരുന്ന അസ്വസ്ഥതകള് ഉപതെരഞ്ഞടുപ്പില് കൃത്യമായി പ്രതിഫലിച്ചുവെന്ന് വേണം കരുതാന്. കുമ്മനം രാജശേഖരന് ശക്തമായ പോരാട്ടം കാഴ്ചവച്ച വട്ടിയൂര്ക്കാവില് ഇത്തവണ ബിജെപിക്ക് സാന്നിധ്യം ഉറപ്പിക്കാനായില്ല. അതേ അവസ്ഥതന്നെയായിരുന്നു മഞ്ചേശ്വരത്തും. കെ സുരേന്ദ്രന്, പി ബി അബ്ദുള് റസാഖിനോട് കഴിഞ്ഞ തവണ പരാജയപ്പെട്ടത് വെറും 89 വോട്ടിനാണ്. എന്നാല് ഇത്തവണ ബിജെപിയ്ക്ക് എല്ലായിടത്തും മൂന്നാം സ്ഥാനത്തേക്ക് ഇറങ്ങി നില്ക്കേണ്ടി വന്നു.