കൊവിഡ് 19; ലോകത്ത് മരണം അഞ്ചര ലക്ഷത്തിലേക്ക്; ഇന്ത്യയില്‍ 18,000
First Published Jul 3, 2020, 3:49 PM IST
ലോകത്ത് കൊവിഡ്19 ന്‍റെ വ്യാപനം തുടങ്ങിയിട്ട് ആറ് മാസം കടന്നു പോയിരിക്കുന്നു. 2019 നവംബറില്‍ ചൈനയില്‍ സ്ഥിരീകരിച്ച കൊവിഡ്19 വൈറസ് 2020 ഓടെ ലോകം മുഴുവനും വ്യാപിച്ചു. എന്നാല്‍ ആറ് മാസങ്ങള്‍ക്ക് ശേഷവും വൈറസിന്‍റെ വ്യാപനത്തില്‍ കുറവുകളൊന്നും രേഖപ്പെടുത്തുന്നില്ലെന്ന് മാത്രമല്ല ഇന്ത്യയില്‍ അടുത്ത സെപ്തംബറോടെ കൊറോണാ വൈറസ് അതിതീവ്രഘട്ടത്തിലൂടെയാകും കടന്നുപോവുകയെന്നാണ് റിപ്പോര്‍ട്ടുകള്‍. ലോകത്ത് ഇതുവരെയായി 1,10,01,023 ആളുകള്‍ക്ക് വൈറസ് ബാധയേറ്റു. 5,24,406 പേര്‍ ഇതിനകം ജീവന്‍ നഷ്ടമായി. 61,62,463 പേര്‍ക്ക് രോഗം ഭേദമായി.