Climate Change: കൊവിഡ് അടച്ച് പൂട്ടല്‍ അതിതീവ്ര മഴയ്ക്ക് കാരണമായതായി ചൈനീസ് പഠനം
First Published Feb 19, 2022, 4:14 PM ISTകാലാവസ്ഥാ വ്യതിയാനത്തിന്‍റെ കാരണങ്ങളെ കുറിച്ചുള്ള പഠനങ്ങള്‍ ആരംഭിച്ചിട്ട് പതിറ്റാണ്ടുകളായി. ഹരിതഗൃഹ വാതകങ്ങള്‍ പുറന്തള്ളുന്നത് കുറയ്ക്കണമെന്ന് പാരിസ്ഥിതിക ശാസ്ത്രജ്ഞര്‍ ആവശ്യപ്പെട്ട് തുടങ്ങിയിട്ടും ഏറെ കാലമായി. അതിനിടെയാണ് ലോകമെങ്ങും ആശങ്കയായി കൊവിഡ് പടര്‍ന്ന് പിടിച്ചത്. അതോടെ നാടും നഗരവും അടച്ചിടലിലേക്ക് പോയി. വാഹനങ്ങള്‍ നിരത്തുകള്‍ മറന്നു. വ്യവസായ ശാലകളില്‍ പുകയുയരാതെയായി. അടച്ച് പൂട്ടല്‍ ആഴ്ചകള്‍ പിന്നിട്ടപ്പോള്‍ പ്രകൃതിയിലെ മാലിന്യം ഏറെ കുറഞ്ഞെന്നും നൂറ് കണക്കിന് കിലോമീറ്റര്‍ ദൂരെയുള്ള പര്‍വ്വതങ്ങള്‍ പോലും നഗ്നനേത്രം കൊണ്ട് കാണാമെന്ന തരത്തില്‍ നിരവധി വീഡിയോകള്‍ ലോകമെങ്ങും പ്രചരിച്ചു. പഞ്ചാബില്‍ നിന്നും ഹിമാലയം കണ്ടെന്ന വാര്‍ത്ത ഇത്തരത്തിലൊന്നായിരുന്നു. ഈ അടച്ച് പൂട്ടല്‍ ഭൂമിയുടെ ആരോഗ്യത്ത് നല്ലതാണെന്ന വ്യാഖ്യാനങ്ങളുണ്ടായി. എന്നാല്‍, ചൈനയില്‍ നിന്നുള്ള പഠനങ്ങള്‍ പറയുന്നത് അടച്ച് പൂട്ടല്‍ ചൈനയില്‍ അതിതീവ്ര മഴയ്ക്ക് കാരണമായെന്നാണ്.