മാനസികാരോഗ്യകേന്ദ്രത്തിലെ അന്തേവാസികളുടെ ദുരിതം പകര്ത്താനായി ഭ്രാന്തിയായി അഭിനയിച്ച മാധ്യമ പ്രവര്ത്തക
First Published Jul 5, 2020, 12:34 PM ISTമാനസികരോഗമുള്ളവരോട് നമ്മുടെ സമൂഹത്തിനുള്ള കാഴ്ചപ്പാട് വളരെ മോശമാണ് എക്കാലവും. ശരീരത്തിന് അസുഖം വന്നാല് നാമൊരുപക്ഷെ അവര്ക്ക് നല്ല ചികിത്സയും അവരുടെ സുരക്ഷയും ഒക്കെ ഉറപ്പു വരുത്തും. പക്ഷേ, മനസിനാണ് അസുഖമെങ്കില് അതങ്ങനെ ആവണമെന്നില്ല. മാത്രവുമല്ല, ലോകത്ത് പലയിടത്തും മാനസികരോഗാശുപത്രികളില്, അഭയകേന്ദ്രങ്ങളില് ആളുകള്ക്ക് പലതരം പീഡനങ്ങളിലൂടെ കടന്നുപോകേണ്ടി വരാറുണ്ട്. 19 -ാം നൂറ്റാണ്ടില് ഒരു വനിതാ മാധ്യമപ്രവര്ത്തക ഒരു മാനസികാരോഗ്യകേന്ദ്രത്തിന്റെ യഥാര്ത്ഥ മുഖം പുറത്തെത്തിക്കുന്നതിനായി ഒരു അന്വേഷണം നടത്തി. അപകടകരവും സാഹസികവുമായിരുന്നു അത്. കാരണം, മാനസികാരോഗ്യപ്രശ്നങ്ങളുള്ള ഒരാളായി അഭിനയിച്ച് അതിനകത്ത് നിന്ന ശേഷമാണ് അവളാ റിപ്പോര്ട്ട് തയ്യാറാക്കിയത്. 1887 -ല് നെല്ലി ബ്ലൈ എന്ന ആ മാധ്യമപ്രവര്ത്തക നടത്തിയ പ്രവര്ത്തനങ്ങളെ കുറിച്ചാണിത്.