Malayalam News Live: ഒറ്റക്കെന്ന് ഷാറൂഖ്, പറയുന്നത് സത്യമോ? ചോദ്യം ചെയ്യൽ തുടരുന്നു

മഹാരാഷ്ട്രയിലെ അകോലയിൽ ടിൻ ഷീറ്റ് ഇട്ട ഷെഡുകൾക്ക് മുകളിൽ മരം വീണ് 7 മരണം. മുപ്പതോളം പേർക്ക് പരിക്കേറ്റു. കനത്ത മഴയിൽ പഴകിയ മരം കടപുഴകി വീഴുകയായിരുന്നു. അകോളയിലെ പരസിലുള്ള ഒരു ക്ഷേത്ര പരിസരത്താണ് ദുരന്തം ഉണ്ടായത്.അപകടം നടക്കുമ്പോൾ അമ്പതോളം ഭക്തർ താൽക്കാലിക ഷെഡിന് താഴെ ഉണ്ടായിരുന്നതായാണ് ദൃക്സാക്ഷികൾ പറയുന്നത്. പരിക്കേറ്റവരെ സമീപ ആശുപത്രികളിൽ പ്രവേശിപ്പിച്ചു.

സച്ചിൻ പൈലറ്റിന്റെ ഉപവാസ സമര പ്രഖ്യാപനത്തിൽ കോൺഗ്രസ് ഹൈക്കമാന്റിന് കടുത്ത അതൃപ്തി. പ്രതിഷേധം  തെരഞ്ഞെടുത്തത് തെറ്റായ സമയത്തെന്ന് കോൺഗ്രസ് നേതൃത്വം കുറ്റപ്പെടുത്തി. രാഹുൽ ഗാന്ധിയുടെ അയോഗ്യതാ വിഷയം, കർണാടക തെരഞ്ഞെടുപ്പ് വിഷയങ്ങൾ നിൽക്കെ ഉണ്ടാക്കുന്ന ആഭ്യന്തര പ്രശ്നം തിരിച്ചടിയാകുമെന്നാണ് വിലയിരുത്തൽ. 

വയനാട് കൽപ്പറ്റ മാരിയമ്മൻ ക്ഷേത്ര ഉത്സവത്തിനിടെ കൂട്ടത്തല്ല്. ഉത്സവം കാണാനെത്തിയ വിദ്യാർത്ഥികൾ ചേരി തിരിഞ്ഞ് ഏറ്റുമുട്ടി. ഉത്സവ ഘോഷയാത്രക്കിടെയാണ് സംഭവം നടന്നത്.