2021 ജനുവരിക്ക് ശേഷം അടൽ ബീമിത് വ്യക്തി കല്യാൺ പദ്ധതിയുടെ നിബന്ധനകളോടെ അടുത്ത വർഷം ജൂൺ വരെ പദ്ധതി തുടരും.
ദില്ലി: ലോക്ക്ഡൗൺ മൂലം പ്രതിസന്ധി അനുഭവിക്കുന്ന തൊഴിലാളികൾക്ക് ആശ്വാസവുമായി ഇഎസ്ഐ കോർപ്പറേഷൻ. ലോക്ക്ഡൗൺ സമയത്ത് ശമ്പളം ലഭിക്കാതിരുന്ന ഇഎസ്ഐ അംഗങ്ങളായ തൊഴിലാളികൾക്ക് തൊഴിലില്ലായ്മ വേതനം നൽകാൻ ഇഎസ്ഐ ബോർഡ് യോഗം തീരുമാനിച്ചു.
Add Asianetnews as a Preferred Source
ഇന്നലെ ചേർന്ന ബോർഡ് യോഗമാണ് ഇതിന് അംഗീകാരം നൽകിയത്. ലോക്ക്ഡൗൺ കാലയളവിൽ ശമ്പളം ലഭിച്ചവർക്ക് ഈ അനുകൂല്യം ലഭിക്കില്ല. 2021 ജനുവരിക്ക് ശേഷം അടൽ ബീമിത് വ്യക്തി കല്യാൺ പദ്ധതിയുടെ നിബന്ധനകളോടെ അടുത്ത വർഷം ജൂൺ വരെ പദ്ധതി തുടരും.
ബോർഡ് യോഗത്തിന് മുന്നോടിയായി ഇഎസ്ഐ ബോർഡ് അംഗങ്ങളും തൊഴിൽ മന്ത്രാലയവും തമ്മിൽ ഇത് സംബന്ധിച്ച് ചർച്ചകൾ നടത്തിയിരുന്നു. 6,710.67 കോടി രൂപയാകും പദ്ധതി നടപ്പാക്കാൻ വേണ്ടി വരുന്ന ഏകദേശ ചെലവെന്നാണ് കണക്കാക്കുന്നത്.
