Sonia Gandhi : 75 -ാം പിറന്നാള്‍, ആഘോഷങ്ങള്‍ ഒഴിവാക്കി സോണിയാ ഗാന്ധി
First Published Dec 9, 2021, 10:42 AM ISTഇന്ത്യന്‍ നാഷണല്‍ കോണ്‍ഗ്രസ് അധ്യക്ഷ സോണിയാ ഗാന്ധിക്ക് ഇന്ന് 76-ാം ജന്മദിനം. എന്നാല്‍, ഇന്ത്യയുടെ സംയുക്ത സേനാ മേധാവിയായ ജന.ബിപിന്‍ റാവത്ത് തമിഴ്നാട്ടിനെ കൂനൂരില്‍ ഹെലികോപ്റ്റര്‍ അപകടത്തില്‍ കൊല്ലപ്പെട്ടതിനാല്‍ ഇന്ന് ജന്മദിനാഘോഷങ്ങള്‍ ഉണ്ടാകില്ലെന്ന് കോൺഗ്രസ് ജനറൽ സെക്രട്ടറി കെ സി വേണുഗോപാൽ ട്വിറ്ററില്‍ കുറിച്ചു. ആഘോഷങ്ങള്‍ ഒഴിവാക്കണമെന്ന് അദ്ദേഹം പാര്‍ട്ടി പ്രവര്‍ത്തകരോടും അനുഭാവികളോടും അഭ്യര്‍ത്ഥിച്ചു. മുന്‍ ഇന്ത്യന്‍ പ്രധാനമന്ത്രിയും ഭര്‍ത്താവുമായിരുന്ന രാജീവ് ഗാന്ധിയുടെ കൊലപാതകത്തിന് ഏഴ് വര്‍ഷങ്ങള്‍ക്ക് ശേഷം 1998-ലാണ് സോണിയാ ഗാന്ധി, ഇന്ത്യന്‍ നാഷണല്‍ കോണ്‍ഗ്രസിന്‍റെ പ്രസിഡന്‍റാകുന്നത്. തുടര്‍ന്ന് തുടര്‍ച്ചയായ 22 വര്‍ഷം സോണിയാഗാന്ധി ആ പദവിയില്‍ തുടര്‍ന്നു. 2017 ല്‍ രാഹുല്‍ ഗാന്ധിക്ക് വേണ്ടി സ്ഥാനം ഒഴിഞ്ഞു കൊടുത്തു. എന്നാല്‍, രണ്ട് വര്‍ഷങ്ങള്‍ക്ക് ശേഷം 2019 ല്‍ രാഹുല്‍ ഗാന്ധി രാജിവച്ചതിനെ തുടര്‍ന്ന് സോണിയാ ഗാന്ധി വീണ്ടും ഇന്ത്യന്‍ നാഷണല്‍ കോണ്‍ഗ്രസിന്‍റെ പ്രസിഡന്‍റായി.