കാടിനു നടുവില് ഒരു രഹസ്യ ആശുപത്രി, രോഗികളെയെത്തിച്ചത് കണ്ണുകെട്ടി; പിന്നില് പ്രവര്ത്തിച്ചത് ഈ ഒളിപ്പോരാളി
First Published Aug 26, 2020, 12:58 PM ISTഡോ. ഫ്രഞ്ച ബിഡോവെക്, അതായിരുന്നു അവരുടെ പേര്. രണ്ടാം ലോകമഹായുദ്ധ കാലത്ത് സോള്വേനിയയില് പ്രവര്ത്തിച്ചിരുന്ന 20 വനിതാ ഡോക്ടര്മാരില് ഒരാള്. അവരാണ് 'ഫ്രഞ്ച പാര്ടിസെന് ഹോസ്പിറ്റല്' അന്ന് നോക്കിനടത്തിയിരുന്നത്. അതൊരു രഹസ്യ ആശുപത്രിയായിരുന്നു. സോള്വേനിയന് മലനിരകള്ക്ക് താഴെയായിരുന്നു ആ ആശുപത്രി. കുന്നിനും മലകള്ക്കും എല്ലാം ഇടയില്, ആരോരുമറിയാത്ത ഒരു രഹസ്യസങ്കേതമായി അത് പ്രവര്ത്തിച്ചു. അവിടുത്തെ പ്രകൃതി ആ ആശുപത്രിയെ ശത്രുക്കളില് നിന്നും എപ്പോഴും മറച്ചുപിടിച്ചു. അവിടെയാണ് മുറിവേറ്റ സൈനികരെ ചികിത്സിച്ചിരുന്നത്. മാത്രവുമല്ല, സകലതും തകര്ത്തുവന്ന നാസികള്ക്ക് 'ഒരിക്കലും കണ്ടുപിടിക്കാനാകാത്ത ആശുപത്രി' എന്ന പ്രത്യേകതയും ഫ്രഞ്ച ആശുപത്രിക്കുണ്ട്. ആ ഓര്മ്മ പുതുക്കി ഓരോ വര്ഷവും ആളുകള് ഫ്രഞ്ച ആശുപത്രിയില് ഒത്തുചേരാറുണ്ട്. അവരെല്ലാം ഒരുമിച്ച് ഒരുപോലെ ഓര്മ്മിക്കുന്ന പേരാണ് ഫ്രഞ്ചയുടേത്.