ശശി പാര്‍ട്ടി പ്രവര്‍ത്തകനല്ലെന്ന് സിപിഎം; സഹോദരന്‍ കുടുംബവുമായി അകല്‍ച്ചയിലായിരുന്നെന്ന് പുഷ്പന്‍

സിപിഎം ജീവിച്ചിരിക്കുന്ന രക്തസാക്ഷി എന്ന് വിശേഷിപ്പിക്കുന്ന പുഷ്പന്റെ സഹോദരന്‍ ശശി ബിജെപിയില്‍ ചേര്‍ന്നു. പാര്‍ട്ടി നേതൃത്വത്തിന്റെ നിലപാടുകളില്‍ പ്രതിഷേധിച്ചാണ് ബിജെപിയിലേക്ക് പോകുന്നതെന്ന് ശശി പറഞ്ഞു. തലശേരി ബിജെപി മണ്ഡലം കമ്മിറ്റി ഓഫീസില്‍ വച്ച് സംസ്ഥാന സെക്രട്ടറി പ്രകാശ് ബാബുവാണ് ശശിക്ക് അംഗത്വം നല്‍കി സ്വീകരിച്ചത്. സംഭവത്തില്‍ വിശദീകരണവുമായി പുഷ്പനും സിപിഎമ്മും രംഗത്തെത്തി.