ലിഫ്റ്റ് തകർന്നുവീണ് ഒരു കുടുംബത്തിലെ ആറു പേർ മരിച്ചു
ബിസിനസുകാരനായ പുനീത് അഗർവാളും കുടുംബവുമാണ് അപകടത്തിൽപ്പെട്ടത്. ഇവർ കയറിയ താത്കാലികമായി ക്രമീകരിച്ചിരുന്ന ലിഫ്റ്റ് തകർന്നു വീഴുകയായിരുന്നു.
ഇൻഡോർ: മധ്യപ്രദേശിൽ നിർമാണത്തിലിരുന്ന കെട്ടിടത്തിന്‍റെ ലിഫ്റ്റ് തകർന്നുവീണ് ഒരു കുടുംബത്തിലെ ആറു പേർ മരിച്ചു. ഇൻഡോറിലെ പടൽപാനി മേഖലയിലാണ് സംഭവം. ഗുരുതരമായ പരിക്കുകളോടെ ഒരാളെ ആശുപത്രിയിൽ പ്രവേശിപ്പിച്ചു.
ബിസിനസുകാരനായ പുനീത് അഗർവാളും കുടുംബവുമാണ് അപകടത്തിൽപ്പെട്ടത്. ഇവർ കയറിയ താത്കാലികമായി ക്രമീകരിച്ചിരുന്ന ലിഫ്റ്റ് തകർന്നു വീഴുകയായിരുന്നു. ശബ്ദം കേട്ട് ഓടികൂടിയവർ ഇവരെ സമീപമുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ ഗുരുതരമായി പരിക്കേറ്റ നിധി അഗർവാൾ(40) തീവ്രപരിചരണ വിഭാഗത്തിൽ ചികിത്സയിലാണ്.
