കുളത്തൂപ്പുഴയിൽ നിന്ന് പാക് വെടിയുണ്ടകൾ; കോഴിഫാം ഉടമയെ ചോദ്യം ചെയ്തു
നാലാം തിയതിക്കുശേഷമാണ് വെടിയുണ്ടകൾ ഉപേക്ഷിച്ചതെന്നും സ്ഥിരീകരിച്ചിട്ടുണ്ട് . തിരുവനന്തപുരം കുളത്തൂപ്പുഴ പുനലൂര് റൂട്ടിൽ കടകളിലും വഴികളിലുമായി സ്ഥാപിച്ചിട്ടുള്ള സിസിടിവികളില് നിന്നുള്ള ദൃശ്യങ്ങളും അന്വേഷണ സംഘം ശേഖരിച്ചിട്ടുണ്ട് .
കൊല്ലം: കുളത്തൂപ്പുഴയില് പാക് വെടിയുണ്ടകള് കണ്ടെത്തിയ സംഭവത്തില് കുളത്തൂപ്പുഴ സ്വദേശിയായതമിഴ്നാട്ടിലെ കോഴിഫാം ഉടമയെ അന്വേഷണ സംഘം ചോദ്യം ചെയ്തു .വെടിയുണ്ടകള് പൊതിഞ്ഞിരുന്ന പേപ്പറിനൊപ്പം ഇയാളുടെ കോഴിഫാമിന്റെ ബില്ലും കിട്ടിയിരുന്നു . അനൂപ് കുരുവിള ജോണിന്റെ നേതൃത്വത്തിലുള്ള തീവ്രവാദ വിരുദ്ധ സേനയാണ് മലയാളിയായ കോഴി ഫാം ഉടമയെ വിശദമായി ചോദ്യം ചെയ്തത് . വെടിയുണ്ടകൾ കണ്ടെടുത്ത റോഡിലെ സിസിടിവി ദൃശ്യങ്ങളും അന്വേഷണ സംഘം ശേഖരിച്ചു .
സംഭവത്തിൽ തമിഴ്നാട് ക്യൂ ബ്രാഞ്ചും അന്വേഷണം തുടങ്ങിയിട്ടുണ്ട്. അതേസമയം നാലാം തിയതിക്കുശേഷമാണ് വെടിയുണ്ടകൾ ഉപേക്ഷിച്ചതെന്നും സ്ഥിരീകരിച്ചിട്ടുണ്ട് . തിരുവനന്തപുരം കുളത്തൂപ്പുഴ പുനലൂര് റൂട്ടിൽ കടകളിലും വഴികളിലുമായി സ്ഥാപിച്ചിട്ടുള്ള സിസിടിവികളില് നിന്നുള്ള ദൃശ്യങ്ങളും അന്വേഷണ സംഘം ശേഖരിച്ചിട്ടുണ്ട് . ഇതും വിശദമായ പരിശോധന നടത്തുകയാണ്.
തുടര്ന്ന് വായിക്കാം: കുളത്തൂപ്പുഴയിലെ വെടിയുണ്ടകള് എവിടെനിന്ന്? തോക്കുള്ളവരിലേക്ക് എന്ഐഎ-സംസ്ഥാന സേന അന്വേഷണം...
തീവ്രവാദസംഘടനകളുടെ പങ്കിനൊപ്പം മുൻ സൈനികരുടെ വിവരങ്ങളും ശേഖരിക്കാനാണ് അന്വേഷണ സംഘത്തിന്റെ തീരുമാനം. കഴിഞ്ഞ ദിവസം തീവ്രവാദ വിരുദ്ധ സേനയിലെ അനൂപ് ജോണ് കുരുവിളയും മുതിര്ന്ന പൊലീസ് ഉദ്യോഗസ്ഥരും കുളത്തൂപ്പുഴയിലെത്തി യോഗം ചേര്ന്നിരുന്നു . കഴിഞ്ഞ ശനിയാഴ്ചയാണ് കുളത്തൂപ്പുഴ മുപ്പതടിപ്പാലത്തിനു സമീപത്തിനു നിന്ന് 12 പാക് നിര്മ്മിത വെടിയുണ്ട ഉള്പ്പെടെ 14 വെടിയുണ്ടകൾ കിട്ടിയത്.
തുടര്ന്ന് വായിക്കാം: പാക്ക് വെടിയുണ്ട കേസില് തീവ്രവാദ ഗ്രൂപ്പുകള്ക്ക് പങ്ക് ? അന്വേഷണം ഐഎസില് നിന്നും മടങ്ങിയവരിലേക്ക്...