നിലവിൽ ഈ തസ്തികകളിൽ തൊഴിൽ ചെയ്തു വരുന്ന വിദേശികൾക്ക് തങ്ങളുടെ വിസാ കാലാവധി പൂർത്തിയാകുന്നതുവരെ തൊഴിലിൽ തുടരുവാൻ സാധിക്കും.
മസ്കത്ത്: ഒമാനില് സ്വദേശികൾക്ക് കൂടുതൽ തൊഴിൽ അവസരങ്ങൾ സൃഷ്ടിക്കുന്നതിന്റെ ഭാഗമായി 11 തസ്തികകൾ കൂടി സ്വദേശിവത്കരിക്കാൻ ഒമാൻ മാനവ വിഭവ ശേഷി മന്ത്രാലയം തീരുമാനിച്ചു. മന്ത്രാലയം പുറത്തിറക്കിയ വിജ്ഞാപനം 182/ 2020 അനുസരിച്ച് താഴെ പറയുന്ന തസ്തികകളാണ് ഒമാൻ സ്വദേശികൾക്ക് മാത്രമായി നീക്കി വെച്ചിരിക്കുന്നത്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
- ഹോസ്റ്റൽ സൂപ്പർവൈസർ
- സാമൂഹ്യ ശാസ്ത്ര വിദഗ്ദ്ധൻ
- സോഷ്യൽ കെയർ സ്പെഷ്യലിസ്റ്റ്
- സൈക്കോളജിസ്റ്റ്
- സോഷ്യൽ സ്പെഷ്യലിസ്റ്റ്
- പൊതു സാമൂഹിക പ്രവർത്തകൻ
- വിദ്യാർത്ഥി പ്രവർത്തന വിദഗ്ധൻ
- സോഷ്യൽ റിസർച്ച് ടെക്നീഷ്യൻ,
- സോഷ്യൽ സർവീസ് ടെക്നീഷ്യൻ
- അസിസ്റ്റന്റ് സോഷ്യൽ സർവീസ് ടെക്നീഷ്യൻ
- സോഷ്യൽ ഗൈഡ്.
നിലവിൽ ഈ തസ്തികകളിൽ തൊഴിൽ ചെയ്തു വരുന്ന വിദേശികൾക്ക് തങ്ങളുടെ വിസാ കാലാവധി പൂർത്തിയാകുന്നതുവരെ തൊഴിലിൽ തുടരുവാൻ സാധിക്കും. എന്നാൽ തുടർന്ന് വിസ പുതുക്കാൻ കഴിയുകയില്ലെന്ന് ഒമാൻ മാനവ വിഭവശേഷി മന്ത്രാലയം പുറത്തിറക്കിയ വിജ്ഞാപനത്തിൽ പറയുന്നു.
