അന്ന് അന്നത്തിന്‍റെ ദേവതയ്ക്കായുള്ള നൃത്തം; ഇന്ന് വിനോദസഞ്ചാരത്തിനായി
First Published Oct 14, 2019, 12:06 PM ISTഇന്തോനേഷ്യയിൽ നിന്നുള്ള പരമ്പരാഗത നൃത്തമാണ് ഗാൻഡ്രംഗ്. ഗാൻ‌ഡ്രംഗിന് നിരവധി വ്യതിയാനങ്ങളുണ്ട്. ബാലി, ലോംബോക്ക്, ഈസ്റ്റ് ജാവ എന്നിവയിൽ ബാലിനീസ്, സസക്, ജാവനീസ് (പ്രത്യേകിച്ച് ഓസിംഗ് ജാവനീസ്) എന്നിവിടങ്ങളില്‍ ഗാൻ‌ഡ്രംഗിന് ഏറെ പ്രചാരമുണ്ട്. ഇവയ്ക്കെല്ലാം തന്നെ ചെറിയ ചെറിയ വ്യത്യാസങ്ങളുമുണ്ട്. ജാവയുടെ കിഴക്കൻ ഉപദ്വീപിലെ ബന്യുവാംഗി പ്രദേശത്ത് നിന്ന് നിന്നുള്ള ഗാൻഡ്രംഗ് നൃത്തമാണ് ഏറ്റവും പ്രചാരമുള്ളത്. അതിനാൽ ഈ നഗരം 'ഗാൻഡ്രംഗ് നഗര' മെന്നാണ് അറിയപ്പെടുന്നത് തന്നെ. ഗ്രാന്‍ഡ്രംഗ് സിയു ഉത്സവത്തിന്‍റെ ഭാഗമായാണ് പ്രധാനമായും ഇന്ന് ഈ നൃത്തം അവതരിപ്പിക്കുന്നത്.
യഥാർത്ഥത്തിൽ അരിയുടെയും ഫലഭൂയിഷ്ഠതയുടെയും ദേവതയായ ദേവി ശ്രീയ്‌ക്കായി സമർപ്പിച്ച ഒരു ആചാരപരമായ നൃത്തമാണ് ഗ്രാന്‍ഡ്രംഗ്. എന്നാല്‍, ഇന്ന് പല സംസ്കാരങ്ങള്‍ കൂടിക്കലര്‍ന്ന് സ്വന്തം തനിമ നഷ്ടപ്പെട്ട ഈ നൃത്തരൂപം സാമുദായിക, സാമൂഹിക പരിപാടികളില്‍ പ്രണയവും സ്നേഹവും പ്രകടിപ്പിക്കുന്ന ഒരു സാമൂഹിക നൃത്തമായി, വിനോദസഞ്ചാരികളെ ആകർഷിക്കാനാണ് ഇന്ന് അവതരിപ്പിക്കപ്പെടുന്നത്. കാണാം ഗാന്‍ഡ്രംഗിന് നൃത്തക്കാഴ്ചകള്‍.