'കവിതയിലെ സമുന്നതപാരമ്പര്യം കാത്തുസൂക്ഷിച്ച കവി'; അക്കിത്തത്തിന്റെ നിര്യാണത്തില് ഗവര്ണര്
മഹാകവി അക്കിത്തത്തിന്റെ ദേഹവിയോഗം ഭാരതീയ സാഹിത്യത്തിന്, വിശേഷിച്ച് മലയാള കവിതയ്ക്ക് തീരാ നഷ്ടമാണെന്ന്...
തിരുവനന്തപുരം: ജ്ഞാനപീഠ ജേതാവ് അക്കിത്തം അച്ചുതന് നമ്പൂതിരിയുടെ നിര്യാണത്തില് അനുശോചിച്ച് ഗവര്ണര് ആരിഫ് മുഹമ്മദ് ഖാന്. മഹാകവി അക്കിത്തത്തിന്റെ ദേഹവിയോഗം ഭാരതീയ സാഹിത്യത്തിന്, വിശേഷിച്ച് മലയാള കവിതയ്ക്ക് തീരാ നഷ്ടമാണെന്ന് അദ്ദേഹം പറഞ്ഞു.
കവിതയിലെ സമുന്നതപാരമ്പര്യം എന്നും കാത്തുസൂക്ഷിച്ച അക്കിത്തത്തിന്റെ രചനകളില് ഭാരതീയ പാരമ്പര്യവും മൂല്യങ്ങളും ആഴത്തില് പ്രതിഫലിച്ചു. ഭാരതീയ ദര്ശനങ്ങളില് അടിയുറച്ചുനിന്നുകൊണ്ട് മലയാള കവിതയില് നവീന ഭാവുകത്വം സൃഷ്ടിക്കുന്നതില് അദ്ദേഹം പങ്കുവഹിച്ചുവെന്നും ഗവര്ണര് കൂട്ടിച്ചേര്ത്തു.