യുഡിഎഫ് കൺവീനർ അടൂർ പ്രകാശിൻ്റെ പരസ്യപ്രസ്തവനയോടെ പ്രതിസന്ധി ഒഴിയാതെ കോൺഗ്രസ്. ഒറ്റക്കുള്ള വിമർശനം എന്ന അടൂർ പ്രകാശിന്റെ വാദം തള്ളുകയാണ് സതീശൻ ചേരി. അടൂർ പ്രകാശിൻ്റെ വിമർശനത്തിന് പിന്നിൽ ഉന്നത നേതൃത്വത്തിന്റ പിന്തുണയുണ്ടെന്നാണ് വിലയിരുത്തൽ. വിഷയത്തിൽ സതീശൻ ചേരിക്ക് ദീപ ദാസ് മുൻഷിയെ അടക്കം സംശയമുണ്ട്. പുനഃസംഘടന നീട്ടുന്നത് അടക്കം ബോധപൂർവ്വമാണെന്നും സതീശൻ ചേരി കരുതുന്നു. അടൂർ പ്രകാശ് പരാതി നൽകിയാൽ അച്ചടക്ക ലംഘന പ്രശ്നം ഉയർത്താനാണ് സതീശൻ പക്ഷത്തിൻ്റെ നീക്കം.

10:17 PM (IST) Oct 03
വൻ പാൻമസാല ശേഖരവുമായി യുവാവ് അറസ്റ്റിൽ. കാറിൽ കടത്തുകയായിരുന്ന 36,626 പാക്കറ്റ് നിരോധിത പാൻമസാലയാണ് കാസർകോട് പോലീസ് പിടിച്ചെടുത്തത്
10:02 PM (IST) Oct 03
കൗൺസിലർ ശ്രീലേഖയുടെ അപ്രതീക്ഷിത രാജിയോടെ തിരുവനന്തപുരം നഗരസഭയിലെ ബിജെപി ഭരണം കടുത്ത പ്രതിസന്ധിയിലായി. അംഗസംഖ്യ 49 ആയി ചുരുങ്ങുമെന്നതിനാൽ മേയർ വി വി രാജേഷിന്റെ രാജി ആവശ്യപ്പെട്ട് പ്രതിപക്ഷവും രംഗത്തെത്തിയിട്ടുണ്ട്
09:45 PM (IST) Oct 03
സിപിഎം മലപ്പുറത്തിനെ അപമാനിക്കരുതെന്ന് സുന്നി യുവജന സംഘടനയായ എസ്വൈഎസ്
09:33 PM (IST) Oct 03
പത്തനംതിട്ട റാന്നിയിൽ പെയ്ത ശക്തമായ മഴയിൽ താഴ്ന്ന പ്രദേശങ്ങളിൽ വെള്ളം കയറി.
09:19 PM (IST) Oct 03
കരിങ്കൊടി പ്രതിഷേധത്തിൽ പ്രതികരണവുമായി മന്ത്രി കെ എം ഷാജി. മന്ത്രിമാർ സമരക്കാരോട് പ്രശ്നമുണ്ടാക്കുന്ന രീതി ശരിയല്ലെന്നും താൻ സമരക്കാരെ അടിക്കണം എന്നാണോയെന്നും മന്ത്രി ചോദിച്ചു.
08:39 PM (IST) Oct 03
മലപ്പുറം മതേതരവാദികളുടെ പറുദീസയാണെന്ന് കെടി ജലീൽ. മലപ്പുറത്തിന്റെ രാഷ്ട്രീയം എല്ലാം നിറങ്ങളും ചേർന്നതാണെന്നും 2006ൽ ചെങ്കൊടി പാറിയ മണ്ണാണ് മലപ്പുറം എന്നും കെ ടി ജലീൽ ഫേസ്ബുക്കിൽ കുറിച്ചു.
08:19 PM (IST) Oct 03
ഹോർമൂസിൽ വീണ്ടും രണ്ട് കപ്പലുകൾക്ക് നേരെ ആക്രമണം. കുവൈത്ത് പതാക വഹിക്കുന്ന കപ്പലിൽ നിന്ന് അഞ്ച് ഇന്ത്യക്കാരെ രക്ഷിച്ചു. സൗദിയിലെ അസീറിൽ മിസൈൽ അവശിഷ്ടം വീണ് പ്രവാസിക്ക് പരിക്കേറ്റു.
07:51 PM (IST) Oct 03
പി എം ശ്രീയിൽ തിരക്കിട്ട് നടപടി വേണ്ടെന്ന് വിദ്യാഭ്യാസ മന്ത്രിയോട് നിർദേശിച്ച് ലീഗ് നേതൃത്വം
07:42 PM (IST) Oct 03
നെടുങ്കണ്ടത്ത് കെ എസ് യു പ്രവർത്തകർക്ക് മർദനമേറ്റ സംഭവത്തിൽ പഞ്ചായത്ത് ജീവനക്കാരന് സസ്പെൻഷൻ. പാമ്പാടുംപാറ പഞ്ചായത്തിലെ അക്കൗണ്ടന്റ് എം എസ് ശരത്തിനെയാണ് സസ്പെൻഡ് ചെയ്തത്.
07:42 PM (IST) Oct 03
സിപിഎം കോട്ടയം ജില്ലാ കമ്മിറ്റിയിൽ നിർണായക അഴിച്ചുപണി. പി ഷാനവാസിനെ ജില്ലാ സെക്രട്ടേറിയറ്റിലും ഡിവൈഎഫ്ഐ നേതാക്കളെ കമ്മിറ്റിയിൽ ക്ഷണിതാക്കളായും ഉൾപ്പെടുത്തി. സഹകരണ ബാങ്കുകളിൽ നിന്ന് വായ്പയെടുത്ത നേതാക്കൾ വേഗം തിരിച്ചടയ്ക്കണമെന്ന് കർശന നിർദേശവും നൽകി
07:22 PM (IST) Oct 03
എസ്എഫ്ഐ പ്രവർത്തകരെ മർദ്ദിച്ചെന്നാരോപിച്ച് കന്റോൺമെന്റ് എസ്ഐ ഗോകുലിന്റെ വീട്ടിലേക്ക് ഡിവൈഎഫ്ഐ പ്രതിഷേധ മാർച്ച് നടത്തി. വീട്ടിലേക്ക് മാർച്ച് നടത്തിയാൽ പാർട്ടി ഓഫീസിൽ കയറി അറസ്റ്റ് ചെയ്യുമെന്ന് എസ്ഐ ഭീഷണിപ്പെടുത്തുന്ന ഓഡിയോ പുറത്തുവന്നിരുന്നു
07:12 PM (IST) Oct 03
സിജെപി പ്രതിഷേധത്തിൽ പ്രായപൂർത്തിയാകാത്ത കുട്ടിയെ പങ്കെടുപ്പിച്ചെന്ന പരാതിയിൽ കേസെടുത്ത് ദേശീയ മനുഷ്യാവകാശ കമ്മീഷൻ. കുട്ടികളെ സമരത്തിൽ പങ്കെടുപ്പിക്കുന്നത് നേരത്തെ തീരുമാനിച്ചത് പ്രകാരമാണെന്നും പരാതിയിൽ ആരോപിക്കുന്നു.
07:09 PM (IST) Oct 03
വിജയുടെ ടിവികെ ഇന്ത്യ സഖ്യത്തിൽ ചേർന്നതിനെ സ്വാഗതം ചെയ്ത് മാണിക്കം ടാഗോർ. ടി വി കെയുടെ വരവോടെ തമിഴ്നാട്ടിൽ ഇന്ത്യ മുന്നണി കൂടുതൽ ശക്തമായി. വോട്ടർ പട്ടികയിലെ ക്രമക്കേടുകൾക്കെതിരെ ഒക്ടോബർ 15 ന് ഇന്ത്യ സഖ്യത്തിന്റെ സംയുക്ത പ്രക്ഷോഭം നടക്കും
07:01 PM (IST) Oct 03
കാക്കനാട് എംഡിഎംഎയുമായി ഫാഷൻ ഫോട്ടോഗ്രാഫർ പിടിയിൽ. കോട്ടയം സ്വദേശി അരുൺ കെ നായരാണ് എക്സൈസിന്റെ പിടിയിലായത്. 15 ലക്ഷം രൂപയും ഹോണ്ട സിറ്റി കാറിൽ നിന്ന് കണ്ടെടുത്തു.
06:32 PM (IST) Oct 03
പരീക്ഷാ ക്രമക്കേടുകൾക്കും മുഖ്യ തിരഞ്ഞെടുപ്പ് കമ്മീഷണർക്കുമെതിരായ സമരങ്ങളെച്ചൊല്ലി കോൺഗ്രസും സിജെപിയും തമ്മിലുള്ള പോര് മുറുകുന്നു. ബിജെപിയേക്കാൾ വിഷമെന്ന് സിജെപി വിമർശിച്ചപ്പോൾ, സിജെപി സമരങ്ങളെ ഹൈജാക്ക് ചെയ്യുകയാണെന്ന് കോൺഗ്രസും തിരിച്ചടിച്ചു
06:03 PM (IST) Oct 03
മന്ത്രിമാരും ജനപ്രതിനിധികളും മാധ്യമങ്ങളോടും പൊതുസമൂഹത്തോടും സംസാരിക്കുമ്പോൾ ശ്രദ്ധ പുലർത്തണമെന്ന് പാണക്കാട് തങ്ങൾ. കെ എം ഷാജിയുടെ ആഡംബര കാർ വിവാദത്തിന്റെ പശ്ചാത്തലത്തിലടക്കം മലപ്പുറത്ത് നടന്ന അവലോകന യോഗത്തിലാണ് ഈ മുന്നറിയിപ്പ്
05:52 PM (IST) Oct 03
മലപ്പുറത്തിനെതിരെ വിദ്വേഷ പരാമർശം നടത്തിയ മുൻ എംഎൽഎ പി നന്ദകുമാറിനെതിരെ പൊലീസിൽ പരാതി നൽകി യൂത്ത് ലീഗ് പൊന്നാനി മുനിസിപ്പൽ കമ്മിറ്റി
05:48 PM (IST) Oct 03
അടുത്തിടെ നടന്ന തിരഞ്ഞെടുപ്പുകളിൽ വലിയ അട്ടിമറി നടന്നതായി കോൺഗ്രസ് അധ്യക്ഷൻ മല്ലികാർജുൻ ഖാർഗെ ആരോപിച്ചു. അതിനാൽ ലോക്സഭയും നിയമസഭകളും പിരിച്ചുവിട്ട് ബാലറ്റ് പേപ്പറിലൂടെ പുതിയ തിരഞ്ഞെടുപ്പ് നടത്തണമെന്ന് അദ്ദേഹം ആവശ്യപ്പെട്ടു
05:11 PM (IST) Oct 03
പാലക്കാട് സിപിഎമ്മിൽ രൂക്ഷമായ വിഭാഗീയതയും റിയൽ എസ്റ്റേറ്റ് മാഫിയാ ബന്ധവുമുണ്ടെന്ന് ജില്ലാ കമ്മിറ്റി യോഗത്തിൽ അവതരിപ്പിച്ച റിപ്പോർട്ടിൽ വ്യക്തമാക്കുന്നു. വിഭാഗീയതയാണ് തിരഞ്ഞെടുപ്പ് തോൽവിക്ക് കാരണമെന്നും സംസ്ഥാന സെക്രട്ടറി എം വി ഗോവിന്ദൻ വിമർശിച്ചു
05:08 PM (IST) Oct 03
ഓഫറുകൾ പ്രതീക്ഷിച്ച് ബിജെപിയിലേക്ക് പോയ ആളാണ് ശ്രീലേഖയെന്ന് എം വി ഗോവിന്ദൻ. ഇവർക്ക് പ്രത്യേക രാഷ്ട്രീയമില്ലെന്നും എങ്ങോട്ട് വേണമെങ്കിലും പോകാം എന്നും സംസ്ഥാന സെക്രട്ടറി പറഞ്ഞു.
04:58 PM (IST) Oct 03
സംസ്ഥാന സ്കൂൾ ഗെയിംസ് മത്സരങ്ങളുടെ നടത്തിപ്പിലെ വീഴ്ചയിൽ പൊതുവിദ്യാഭ്യാസ വകുപ്പിനെ തള്ളി തൃശൂർ ഡെപ്യൂട്ടി മേയർ എ. പ്രസാദ്
04:35 PM (IST) Oct 03
വീണ ജോർജ് ചികിത്സ അവധിയിലാണെന്നും പാർട്ടിയിൽ സജീവമാകുമെന്നാണ് പ്രതീക്ഷയെന്നും സിപിഎം പത്തനംതിട്ട ജില്ലാ സെക്രട്ടറി. സസ്പെൻഷനിലുള്ള എ പത്മകുമാറിന് വരാനിരിക്കുന്ന വിപുലീകൃത ജില്ലാ കമ്മിറ്റി യോഗത്തിൽ പങ്കെടുക്കാനാകില്ലെന്നും രാജു എബ്രഹാം
03:57 PM (IST) Oct 03
ബെംഗളൂരു നാഗർഭാവി മഹേഷ് പിയു കോളേജിലെ ഒന്നാം വർഷ ബികോം വിദ്യാർത്ഥി യോഗേഷിന്റെ കൊലപാതകത്തിലാണ് നാലുപേരെ പൊലീസ് അറസ്റ്റ് ചെയ്തത്. കോളേജിലെ ഒരു സീനിയർ വിദ്യാർത്ഥിനിയെച്ചൊല്ലി ഉണ്ടായ തർക്കങ്ങളാണ് കൊലപാതകത്തിൽ കലാശിച്ചതെന്നാണ് പൊലീസ് നൽകുന്ന വിവരം.
03:55 PM (IST) Oct 03
തിരുവനന്തപുരം കോർപറേഷൻ ബിജെപി കൗൺസിലർ ആർ ശ്രീലേഖയുടെ രാജിയിൽ പ്രതികരിച്ച് എൽഡിഎഫ് കണ്വീനർ ടി പി രാമകൃഷ്ണൻ
03:52 PM (IST) Oct 03
ഹോർമൂസിൽ ഒരു കപ്പലാക്രമിക്കപ്പെട്ടത് ഒമാൻ തീരത്തോട് ചേർന്ന് തന്നെയാണ്. തുറമുഖത്ത് നിന്ന കപ്പലിന് നേരെയുള്ള ആക്രമണത്തിൽ തീപ്പിടുത്തമുണ്ടായി. എല്ലാ ജീവനക്കാരും സുരക്ഷിതരാണ്.
03:48 PM (IST) Oct 03
കോഴിക്കോട് കൂമ്പാറയില് ട്രാവലര് വാന് നിയന്ത്രണം വിട്ട് മറിഞ്ഞു. കുട്ടികള് ഉള്പ്പെടെ ഇരുപതോളം പേര്ക്ക് പരിക്കേറ്റു. മലപ്പുറം കാളികാവ് സ്വദേശികളാണ് അപകടത്തില്പ്പെട്ടത്.
03:07 PM (IST) Oct 03
കർണാടകത്തിലെ വരൾച്ചയിൽ അടിയന്തര ഇടപെടൽ ആവശ്യപ്പെട്ട് പ്രധാനമന്ത്രിക്ക് കത്തയച്ച് മല്ലികാർജുൻ ഖർഗെ. സംസ്ഥാനം ആവശ്യപ്പെട്ട തുക ഉടൻ അനുവദിക്കണമെന്നതുൾപ്പെടെയുള്ള ആവശ്യങ്ങൾ ഉന്നയിച്ചാണ് കത്ത്.
02:41 PM (IST) Oct 03
ആർ ശ്രീലേഖ രാജിവെച്ചോ എന്ന് ബിജെപി പറയണമെന്ന് കോൺഗ്രസ്. ആറ് മാസമായി കോർപറേഷൻ ഭരണം തകർന്നെന്നും മേയർ പരാജയമാണെന്നും കെ എസ് ശബരീനാഥൻ.
01:53 PM (IST) Oct 03
മറ്റ് രാഷ്ട്രീയ പാർട്ടിയുടെ സമ്മർദ്ദം ഉള്ളതായി തോന്നുന്നില്ലെന്നും മേയർ പറഞ്ഞു. വ്യക്തിപരമായ അസൗകര്യങ്ങൾ ഉണ്ടെന്ന് പറയുന്നത് വീഴ്ചയല്ലല്ലോ എന്നും മേയർ കൂട്ടിച്ചേർത്തു.
01:33 PM (IST) Oct 03
സംഭവത്തിൽ ദുഃഖം രേഖപ്പെടുത്തിയ ആന്ധ്രാപ്രദേശ് ഐടി മന്ത്രി നാരാ ലോകേഷ് മരിച്ചവരുടെ കുടുംബാംഗങ്ങൾക്ക് സർക്കാർ സഹായം നൽകുമെന്ന് പ്രഖ്യാപിച്ചു. സംഭവത്തിൽ സർക്കാർ അന്വേഷണം പ്രഖ്യാപിച്ചിട്ടുണ്ട്.
01:20 PM (IST) Oct 03
വിമാനം തട്ടിയെടുക്കാൻ വേണ്ടിയാണ് ശ്രമിച്ചത്. മുഴുവൻ വിവരങ്ങളും ഉടൻ നൽകുമെന്ന് യുഎഇ അറ്റോണി ജനറൽ വ്യക്തമാക്കി.
12:48 PM (IST) Oct 03
മുഖ്യമന്ത്രി പിണറായി വിജയൻ പങ്കെടുത്ത സിപിഎം ജില്ലാ കമ്മിറ്റി യോഗത്തിൽ മലപ്പുറത്തെ അധിക്ഷേപിച്ച് മുൻ എംഎൽഎ പി നന്ദകുമാർ. നിയമസഭാ തെരഞ്ഞെടുപ്പിലെ തിരിച്ചടിയും ന്യൂനപക്ഷങ്ങളുടെ വിശ്വാസം നഷ്ടപ്പെട്ടതും യോഗത്തിൽ പ്രധാന ചർച്ചയായി.
12:02 PM (IST) Oct 03
മുട്ടിൽ മരം മുറിക്കേസിൽ ദുരൂഹതയുണ്ടെന്നും ജയതിലകിൻ്റെ ഉത്തരവിനെക്കുറിച്ച് അന്വേഷിക്കുമെന്നും മന്ത്രി ഷിബു ബേബി ജോൺ. ബോർഡ് കോർപ്പറേഷൻ നിയമനങ്ങളിലെ കാലതാമസവും ഉദ്ഘാടന മാമാങ്കങ്ങളിലെ അതൃപ്തിയും അദ്ദേഹം പങ്കുവെച്ചു.
11:03 AM (IST) Oct 03
ചില മരുന്ന് കമ്പനിക്കാർ വടിയും വാളുമായി ഇറങ്ങിയിട്ടുണ്ടെന്നും അത് കണ്ട് പേടിക്കുന്നവൻ അല്ല താനെന്നും മുരളീധരൻ പറഞ്ഞു.
10:50 AM (IST) Oct 03
കേന്ദ്ര ആഭ്യന്തര മന്ത്രി അമിത് ഷായ്ക്ക് നേരെ കൊല്ലത്ത് നടന്ന കരിങ്കൊടി പ്രതിഷേധത്തിൽ സുരക്ഷാവീഴ്ച ചൂണ്ടിക്കാട്ടി ബിജെപി പ്രതിനിധി സംഘം ഗവർണറെ കണ്ടു. പ്രതിഷേധത്തിന് പിന്നിൽ ഗൂഢാലോചനയുണ്ടെന്നും സത്യപ്രതിജ്ഞാ ലംഘനം നടത്തിയ മന്ത്രി ഒ.ജെ ജനീഷിനെ പുറത്താക്കണമെന്നും ബിജെപി ആവശ്യപ്പെട്ടു.
10:07 AM (IST) Oct 03
ന്യൂനപക്ഷ പ്രീണന രാഷ്ട്രീയത്തിൽ മുഴുകിയിരിക്കുന്നത് കൊണ്ടാണോ ഗാന്ധി കുടുംബം മിണ്ടാത്തതെന്നും ബിജെപി വക്താവ് സൗരവ് ഭാട്ടിയ ചോദിച്ചു.
09:21 AM (IST) Oct 03
തിരുവനന്തപുരം നഗരസഭയില തൃക്കണ്ണാപുരം കൗണ്സിലറും സിപിഎം പ്രാദേശിക നേതാവുമായ അജിൻ കൈക്കൂലി വാങ്ങിയെന്ന വെളിപ്പെടുത്തലിൽ പ്രതിരോധത്തിലായി സിപിഎം. വിഷയം അന്വേഷിച്ച് നടപടി എടുക്കുമെന്ന് സിപിഎം ജില്ല നേതൃത്വം പ്രതികരിച്ചു
09:06 AM (IST) Oct 03
എന്നാൽ ചികിത്സ പിഴവ് ഉണ്ടായിട്ടില്ല എന്നാണ് ആശുപത്രിയുടെ വിശദീകരണം. ശസ്ത്രക്രിയക്ക് ശേഷമുള്ള അണുബാധയാണ് മരണകാരണം എന്നും ആശുപത്രി അധികൃതർ ചൂണ്ടിക്കാണിക്കുന്നു.
08:05 AM (IST) Oct 03
സൗദിയിലുണ്ടായ വാഹനാപകടത്തിൽ രണ്ട് മലയാളി നഴ്സുമാർ ഉൾപ്പെടെ അഞ്ചു പേർ മരിച്ചു
07:44 AM (IST) Oct 03
കാസർകോട് വെസ്റ്റ് എളേരി വരക്കാട് കുഴൽ കിണർ വണ്ടി വീടിനു മുകളിലേക്ക് മറിഞ്ഞ് രണ്ട് പേർ മരിച്ചു. മധ്യപ്രദേശ് സ്വദേശി ദേവേന്ദ്ര, ഛത്തീസ്ഗഡ് സ്വദേശി മനാസർ എന്നിവരാണ് മരിച്ചത്. ഇരുവരും വാഹനത്തിലുള്ളവരായിരുന്നു. ജെയ്സണും കുടുംബവും താമസിക്കുന്ന വാടക വീട്ടിന് മുകളിലേക്കാണ് വണ്ടി മറിഞ്ഞത്. പുലർച്ചെ രണ്ടോടെയാണ് അപകടം ഉണ്ടായത്