സിപിഎം മലപ്പുറത്തിനെ അപമാനിക്കരുതെന്ന് സുന്നി യുവജന സംഘടനയായ എസ്‌വൈഎസ്
മലപ്പുറം: സിപിഎം മലപ്പുറത്തിനെ അപമാനിക്കരുതെന്ന് സുന്നി യുവജന സംഘടനയായ എസ്‌വൈഎസ്. സിപിഎമ്മിന് ഇനിയും പരാജയത്തിന്‍റെ കാരണം കണ്ടെത്താൻ കഴിഞ്ഞില്ലെങ്കിൽ പാർട്ടി മിഷനറിമാരുടെ പാപ്പരത്തമാണ് അതെന്നും സൗഹാർദവും സ്നേഹവുമുള്ള മലപ്പുറത്തുകാരുടെ മാനം കെടുത്തൽ അതിനു പരിഹാരമല്ല, പരാജയത്തിന്‍റെ ആലസ്യത്തിൽ നിന്ന് അണികളെ ആവേശത്തിൽ ആക്കാൻ തരംതാഴ്ന്ന പ്രസംഗങ്ങളും പ്രസ്താവനങ്ങളും നടത്തുന്നത് പുരോഗമനം എന്ന് പറയുന്നവർക്ക് ഭൂഷണമല്ല,പ്രസ്താവനയെ അർഹിക്കുന്ന അവജ്ഞയോടെ തള്ളിക്കളയുന്നുവെന്നും എസ്‌വൈഎസ് വ്യക്തമാക്കി. കഴിഞ്ഞ ദിവസം മുൻ എംഎൽഎ പി നന്ദകുമാർ മലപ്പുറത്തെ അധിക്ഷേപിച്ചുകൊണ്ട് നടത്തിയ പ്രസംഗം വലിയ വിമർശനത്തിന് കാരണമായിരുന്നു.
മത മൗലിക വർഗീയ വാദികളുടെ കൂടാണ് മലപ്പുറമെന്നായിരുന്നു നന്ദകുമാറിന്‍റെ പരാമർശം. പ്രതിപക്ഷ നേതാവ് പിണറായി വിജയൻ ഉൾപ്പെടെ ഉണ്ടായിരുന്ന വേദിയിലാണ് ഇത്തരം ഒരു വിവാദ പരാമർശം നന്ദകുമാർ നടത്തിയത്. വിപുലീകൃത ജില്ലാ കമ്മിറ്റിയിലെ സ്വാഗത സംഘം പ്രസംഗത്തിലാണ് നന്ദകുമാറിന്‍റെ പരാമർശം ഉണ്ടായത്.
