റെയിൽടെൽ: 68 അപ്രന്റിസ്; എറണാകുളത്തും ഒഴിവ്; ജനുവരി 11 വരെ ഓൺലൈനായി അപേക്ഷിക്കാം.
എറണാകുളത്തും ഒഴിവുണ്ട്. ഒരു വർഷമാണ് പരിശീലനം. ജനുവരി 11 വരെ ഓൺലൈനായി അപേക്ഷിക്കാം.
ദില്ലി: പൊതുമേഖലാ സ്ഥാപനമായ റെയിൽടെൽ കോർപറേഷൻ ഓഫ് ഇന്ത്യയുടെ കോർപറേറ്റ്, റീജനൽ ഓഫിസുകളിൽ ഗ്രാജുവേറ്റ്/ ഡിപ്ലോമ എൻജിനീയർ അപ്രന്റിസിന്റെ 68 ഒഴിവ്. ഇലക്ട്രോണിക്സ് ആൻഡ് ടെലികമ്യൂണിക്കേഷൻ, കംപ്യൂട്ടർ സയൻസ്, സിവിൽ എൻജിനീയറിങ്, ഇലക്ട്രിക്കൽ ആൻഡ് ഇലക്ട്രോണിക് എൻജിനീയറിങ് വിഭാഗങ്ങളിലാണ് അവസരം. എറണാകുളത്തും ഒഴിവുണ്ട്. ഒരു വർഷമാണ് പരിശീലനം. ജനുവരി 11 വരെ ഓൺലൈനായി അപേക്ഷിക്കാം.
60 % മാർക്കോടെ ബന്ധപ്പെട്ട വിഭാഗത്തിൽ നാല് വർഷത്തെ എൻജിനീയറിങ്/ ടെക്നോളജി ബിരുദം/ മൂന്ന് വർഷത്തെ എൻജിനീയറിങ്/ ടെക്നോളജി ഡിപ്ലോമ. അല്ലെങ്കിൽ ഇൻസ്റ്റിറ്റ്യൂട്ട് ഓഫ് എൻജിനീയറിങ് (ഇന്ത്യ) നടത്തുന്ന പരീക്ഷയുടെ എ, ബി സെക്ഷനുകളിൽ ജയം. അല്ലെങ്കിൽ ഇൻസ്റ്റിറ്റ്യൂഷൻ ഓഫ് ഇലക്ട്രോണിക്സ് ആൻഡ് ടെലികമ്യൂണിക്കേഷൻ എൻജിനീയേഴ്സ് (ഇന്ത്യ) നടത്തുന്ന ബന്ധപ്പെട്ട എൻജിനീയറിങ് വിഭാഗത്തിലുള്ള ഗ്രാജുവേറ്റ് മെംബർഷിപ് പരീക്ഷാജയം ആണ് യോഗ്യത. 18-27 വയസ് ആണ് പ്രായപരിധി. ഗ്രാജുവേറ്റ് എൻജിനീയർക്ക് 14,000 രൂപയും ഡിപ്ലോമ എൻജിനീയർക്ക് 12,000 രൂപയും സ്റ്റൈപെൻഡ് ലഭിക്കും.
