ക്രിസ്തുമസ് - പുതുവത്സര ബമ്പർ; ഒന്നാം സമ്മാനം 12 കോടി, നറുക്കെടുപ്പ് ജനുവരിയിൽ
300 രൂപയാണ് ടിക്കറ്റ് വില. 2021 ജനുവരി 17നാണ് നറുക്കെടുപ്പ് നടക്കുക.
തിരുവനന്തപുരം: 12 കോടി രൂപ ഒന്നാം സമ്മാനമായി നൽകുന്ന ക്രിസ്തുമസ് - പുതുവത്സര ബമ്പർ ഭാഗ്യക്കുറി ഇന്ന് ലോട്ടറി വകുപ്പ് ഡയറക്ടർ അമിത് മീണ പ്രകാശനം ചെയ്യും. ഗോർഖി ഭവനിലെ നറുക്കെടുപ്പ് വേദിയിൽ ഉച്ചയ്ക്ക് 3.00 മണിക്കാണ് പ്രകാശനം. 300 രൂപയാണ് ടിക്കറ്റ് വില. 2021 ജനുവരി 17നാണ് നറുക്കെടുപ്പ് നടക്കുക.
XA, XB, XC, XD, XE, XG എന്നീ അഞ്ചു സീരീസുകളിലാണ് ടിക്കറ്റ് പുറത്തിറക്കിയിട്ടുളളത്. രണ്ടാം സമ്മാനം 6 പേർക്ക് 50 ലക്ഷം വീതം നൽകും (മൊത്തം 3 കോടി രൂപ). മൂന്നാം സമ്മാനമായി 10 ലക്ഷം വീതം 6 പേർക്കും നാലാം സമ്മാനം 5 ലക്ഷം വീതം 6 പേർക്കും നൽകും.
അഞ്ചാം സമ്മാനം ഒരു ലക്ഷം രൂപ വീതം 108 പേർക്ക് ലഭിക്കും. ഇതുകൂടാതെ 5000, 3000, 2000, 1000 എന്നിങ്ങനെ നിരവധി സമ്മാനങ്ങൾ വേറെയുമുണ്ട്. 6 പരമ്പരകളിലായി വില്പനയ്ക്ക് അനുസൃതമായി പരമാവധി 54 ലക്ഷം ടിക്കറ്റുകൾ വരെ ലോട്ടറി വകുപ്പിന് അച്ചടിക്കാം.