video

Articles

വീടിന്റെ ഭംഗി തനിമ ചോരാതെ സംരക്ഷിക്കാനും തലപ്പാവ് പോലെ ഒരു  സംരക്ഷണ കവചമൊരുക്കാനുമാണ് ഇന്ന് റൂഫിങ് കൂടുതലായി ഉപയോഗിക്കുന്നത്. വീടിന്റെ മേൽക്കൂര ഭാഗം  കോണ്‍ക്രീറ്റ് ചെയ്യുന്നതിനുപകരം റൂഫില്‍ അലൂമിനിയം ,ഇരുമ്പ്, തുടങ്ങിയ ലോഹങ്ങള്‍കൊണ്ടുണ്ടാക്കുന്ന റൂഫുകളും ഓടിൽ നിന്ന് മാറി ഫ്ലാറ്റ് റൂഫുകളും  സ്ലോപ് റൂഫുകളും സ്ഥാനം പിടിച്ചിരിക്കുന്നു. കോൺക്രീറ്റ് കെട്ടിടങ്ങളെ ചോർച്ചയിൽ നിന്ന് സംരക്ഷിക്കാനും വീടിനുള്ളിലെ ചൂട് കുറയ്ക്കുവാനും റൂഫിങ് സഹായിക്കുന്നു. ഫ്ലാറ്റായി വാര്‍ത്ത് ട്രസ് റൂഫിടുക എന്ന രീതിക്കാണ് ഇന്ന് ഏറ്റവുമധികം പ്രചാരം. സാധാരണഗതിയിൽ വീടുപണി സമയത്തുതന്നെ പുറംകാഴ്ചയുടെ ഭംഗിക്ക് വേണ്ടി റൂഫിങ് ചെയ്യാറുണ്ട്. കോൺക്രീറ്റ് റൂഫിന് മുകളിൽ ജിഐ പില്ലറുകൾ കൊണ്ട് ട്രസ് ചെയ്താണ് റൂഫിങ് ചെയ്യുന്നത്.