Asianet News MalayalamAsianet News Malayalam

കിഡ്‌നിയുടെ ആരോഗ്യം നിലനിർത്താൻ സഹായിക്കുന്ന അഞ്ച് മികച്ച ഭക്ഷണങ്ങൾ

അനിയന്ത്രിതമായ പ്രമേഹവും ഉയർന്ന രക്തസമ്മർദ്ദവും വൃക്കരോഗത്തിനുള്ള രണ്ട് പ്രധാന അപകട ഘടകങ്ങളാണ്. എന്നാൽ പുകവലി, വിഷവസ്തുക്കൾ, ചില മരുന്നുകൾ എന്നിവ വൃക്കകളെ ദോഷകരമായി ബാധിക്കും.

best foods to maintain kidney health
Author
First Published Jan 13, 2023, 10:38 PM IST

ശരീരത്തിലെ മാലിന്യങ്ങൾ ഇല്ലാതാക്കാനും ഹോർമോണുകൾ ഉത്പാദിപ്പിക്കാനും പോഷകങ്ങളും ധാതുക്കളും സന്തുലിതമാക്കാനും ശരീരത്തെ സഹായിക്കുന്ന മറ്റ് നിർണായക പ്രവർത്തനങ്ങൾ നിർവഹിക്കാനും വൃക്കകൾ സഹായിക്കുന്നു. വൃക്കകൾ മികച്ച രീതിയിൽ പ്രവർത്തിക്കുന്നില്ലെങ്കിൽ മാലിന്യങ്ങളും അധിക ദ്രാവകവും ശരീരത്തിൽ അടിഞ്ഞുകൂടും.

അനിയന്ത്രിതമായ പ്രമേഹവും ഉയർന്ന രക്തസമ്മർദ്ദവും വൃക്കരോഗത്തിനുള്ള രണ്ട് പ്രധാന അപകട ഘടകങ്ങളാണ്. എന്നാൽ പുകവലി, വിഷവസ്തുക്കൾ, ചില മരുന്നുകൾ എന്നിവ വൃക്കകളെ ദോഷകരമായി ബാധിക്കും.

ആരോഗ്യകരമായ ജീവിതശൈലിയും ഭക്ഷണക്രമവും നിലനിർത്തുന്നത് വൃക്കരോഗം വരാനുള്ള കുറയ്ക്കുന്നതിനും അല്ലെങ്കിൽ വൃക്കകളുടെ പ്രവർത്തനം പൊതുവെ നിലനിർത്തുന്നതിനും സഹായിക്കും. സോഡിയം, പൊട്ടാസ്യം, ഫോസ്ഫറസ് എന്നിവ കൂടുതലുള്ള ഭക്ഷണങ്ങൾ ഒഴിവാക്കണം. കിഡ്‌നിയുടെ ആരോഗ്യം നിലനിർത്താൻ സഹായിക്കുന്ന അഞ്ച് മികച്ച ഭക്ഷണങ്ങൾ...

ക്യാബേജ്...

വിറ്റാമിൻ സിയുടെ മികച്ച ഉറവിടവുമാണ് ക്യാബേജ്. ഇത് ടൈപ്പ് 2 പ്രമേഹം വരാനുള്ള സാധ്യത കുറയ്ക്കാൻ സഹായിക്കും. ഇതിൽ പൊട്ടാസ്യം, സോഡിയം, ഫോസ്ഫറസ് എന്നിവ കുറവാണെങ്കിലും നാരുകൾ കൂടുതലാണ്. ഉയർന്ന നാരുകൾ അടങ്ങിയ ഭക്ഷണം കഴിക്കുന്നത് കുടലിനെ നിയന്ത്രിക്കാനും ചീത്ത കൊളസ്‌ട്രോളിന്റെ അളവ് കുറയ്ക്കാനും ആരോഗ്യകരമായ ഭാരം നിലനിർത്താനും സഹായിക്കും.

ബ്ലൂബെറി...

ആരോഗ്യകരമായ ഭക്ഷണങ്ങളിൽ ഒന്നാണ് ബ്ലൂബെറി. ഉയർന്ന അളവിലുള്ള ആന്റിഓക്‌സിഡന്റുകൾ ഉള്ളതിനാൽ ബ്ലൂബെറി ഒരു സൂപ്പർഫ്രൂട്" ആയി കണക്കാക്കപ്പെടുന്നു. ഇത് രക്തത്തിലെ പഞ്ചസാര നിയന്ത്രിക്കാനും ചില ക്യാൻസറുകളുടെ സാധ്യത കുറയ്ക്കാനും തലച്ചോറിന്റെ ആരോഗ്യം മെച്ചപ്പെടുത്താനും ഹൃദയത്തെ സംരക്ഷിക്കാനും സഹായിക്കും. ബ്ലൂബെറിയിൽ പൊട്ടാസ്യം, കാൽസ്യം, സോഡിയം എന്നിവ കുറവാണ്. അതിനാൽ വൃക്കയിലെ കല്ലുകളോ വൃക്ക മാറ്റിവയ്ക്കൽ ശസ്ത്രക്രിയയോ ഉണ്ടായിട്ടുണ്ടെങ്കിലും അവ കഴിക്കുന്നത് സുരക്ഷിതമാണ്. 

കുരുമുളക്...

കുരുമുളകിൽ പ്രതിരോധശേഷി വർധിപ്പിക്കുന്ന വിറ്റാമിൻ സി കൂടുതലാണ്.  വൃക്കരോഗം പ്രതിരോധ സംവിധാനത്തെ ദുർബലപ്പെടുത്തും. കുരുമുളകിലെ ആന്റിഓക്‌സിഡന്റുകൾ വിറ്റാമിനുകൾ സി, ഇ, ബീറ്റാ കരോട്ടിൻ എന്നിവയുൾപ്പെടെ - ഹൃദ്രോഗം, ക്യാൻസർ എന്നിവയിൽ നിന്ന് സംരക്ഷിക്കാനും സഹായിക്കും. കുരുമുളകിൽ പ്രത്യേകിച്ച് ക്യാപ്‌സാന്തിൻ എന്ന പോളിഫെനോൾ ധാരാളമായി അടങ്ങിയിട്ടുണ്ട്. അത് പ്രമേഹം, അമിതവണ്ണം, ഉയർന്ന കൊളസ്ട്രോൾ എന്നിവ തടയാൻ സഹായിക്കുകയും ചെയ്യും.

വെളുത്തുള്ളി...

ഉയർന്ന രക്തസമ്മർദ്ദം നിയന്ത്രിക്കാനും വൃക്കരോഗത്തെ ചികിത്സിക്കാനും വെളുത്തുള്ളി സഹായിക്കും. വെളുത്തുള്ളിക്ക് ശക്തമായ മണം നൽകുന്ന അല്ലിസിൻ എന്ന സംയുക്തം അടങ്ങിയിട്ടുണ്ട്. അല്ലിസിൻ രക്തക്കുഴലുകൾ വികസിപ്പിക്കുന്നു. ഇത് കിഡ്‌നിയുടെ ആരോഗ്യത്തിന് മാത്രമല്ല ധമനികളെയും നല്ല രീതിയിൽ സ്വാധീനിക്കുന്നു.

മുട്ടയുടെ വെള്ള...

പേശികളുടെ നിർമ്മാണം, ടിഷ്യൂകൾ നന്നാക്കൽ, അണുബാധകൾക്കെതിരെ പോരാടൽ എന്നിവയുൾപ്പെടെ  ശരീരത്തിന്റെ പല പ്രവർത്തനങ്ങളിലും പ്രോട്ടീൻ ഒരു പ്രധാന പങ്ക് വഹിക്കുന്നു. എന്നാൽ അമിതമായ പ്രോട്ടീൻ വൃക്കരോഗമുള്ളവർക്ക് ദോഷം ചെയ്യും. ധാരാളം പ്രോട്ടീൻ കഴിക്കുമ്പോൾ രക്തത്തിൽ അടിഞ്ഞുകൂടുന്ന അധിക മാലിന്യങ്ങൾ ഫിൽട്ടർ ചെയ്യാൻ വൃക്കകൾക്ക് കഴിഞ്ഞേക്കില്ല.

'ഉയർന്ന കൊളസ്ട്രോൾ' പ്രശ്നക്കാരനാണ് ; കുറയ്ക്കാനായി ചെയ്യേണ്ടത്...

 

Follow Us:
Download App:
  • android
  • ios