കൊവിഡിനെതിരെ നിര്ണായക ചികിത്സാരീതി വികസിപ്പിച്ച് യുഎഇ; പ്രതീക്ഷയോടെ ശാസ്ത്രലോകം
കൊവിഡ് മഹാമാരിയെ പ്രതിരോധിക്കാനുള്ള ഫലപ്രദമായ ചികിത്സാ രീതി കണ്ടെത്താന് പരിശ്രമിക്കുകയാണ് ലോകമെമ്പാടുമുള്ള ശാസ്ത്രജ്ഞര്. ശാസ്ത്ര ലോകത്തിനും ഗവേഷകര്ക്കും പ്രതീക്ഷ നല്കുന്ന ഒരു വാര്ത്തയാണ് യുഎഇയില് നിന്നും പുറത്തുവരുന്നത്. കൊവിഡ് ചികിത്സയില് ഏറെ നിര്ണായകമായ മൂലകോശ(സ്റ്റെംസെല്) ചികിത്സ വികസിപ്പിച്ചിരിക്കുകയാണ് യുഎഇയിലെ ഗവേഷകര്.
രോഗിയുടെ രക്തത്തില് നിന്നും മൂലകോശം വേര്തിരിച്ച് അതില് പരീക്ഷണം നടത്തി വീണ്ടും രോഗിയുടെ ശരീരത്തില് തന്നെ പ്രയോഗിക്കുന്ന ചികിത്സാ രീതിയാണിത്.
മൂലകോശ ചികിത്സ വഴി പ്രതിരോധ ശേഷിയും ശ്വാസകോശ കോശങ്ങളുടെ കേടുപാടുകളും പരിഹരിക്കപ്പെടുമെന്നാണ് കണ്ടെത്തല്. സ്റ്റെം സെല് ചികിത്സ വഴി 73 പേര്ക്ക് രോഗം ഭേദമായതായി യുഎഇ അവകാശപ്പെട്ടു.
കൊവിഡ് പോരാട്ടത്തില് മറ്റ് രാജ്യങ്ങള്ക്കും പ്രതീക്ഷയേകുന്ന പുതിയ ചികിത്സാ രീതിക്ക് യുഎഇ പേറ്റന്റും നല്കിയിട്ടുണ്ട്.
ക്ലിനിക്കല് ട്രയലില് രോഗികള്ക്ക് പ്രശ്നമൊന്നും ഉണ്ടായിട്ടില്ലെന്ന് ഡോക്ടര്മാര് പറഞ്ഞു. പരമ്പരാഗത ചികിത്സാ രീതിക്ക് ഒപ്പമാണ് രോഗികളില് മൂലകോശ ചികിത്സ പരീക്ഷിച്ചത്.
അബുദാബി സ്റ്റെം സെല് സെന്ററിലെ ഗവേഷകരാണ് ഈ ചികിത്സാ രീതി വികസിപ്പിച്ചത്. ഗവേഷകര്ക്ക് യുഎഇയിലെ ജനങ്ങളുടെ പേരില് നന്ദി പറയുന്നെന്ന് പ്രസിഡന്റ് ശൈഖ് ഖലീഫ ബിന് സായിദ് അല് നഹ്യാന് ഉള്പ്പെടെയുള്ള ഭരണാധികാരികള് അറിയിച്ചു.
covid 19 test
covid 19 test