ഡസ്റ്ററിന്റെ എക്സ്ട്രീം കൺസെപ്റ്റ് മോഡലുമായി റെനോൾട്ട് വരുന്നു. എല്ലാ പ്രതലത്തിലും ഉപയോഗിക്കാൻ കഴിയുന്ന തരത്തിലാണ് ഈ പുതിയ ഡസ്റ്ററിന് റെനോള്ട്ട് രൂപം നല്കിയിരിക്കുന്നത്. ഓഫ് റോഡുകളിലേക്കുള്ള നിരവധി അനുകൂലന ഘടകങ്ങൾ വാഹനത്തിൽ കൂട്ടിച്ചേർത്തിട്ടുണ്ട്.
പുതിയ ടയറുകൾ എല്ലാ പ്രതലത്തിലും ഉപയോഗിക്കാൻ കഴിയും. ഉയർന്ന ഗ്രൗണ്ട് ക്ലിയറൻസ്, മുന്നിലും പിന്നിലും സ്കിഡ് പ്ലേറ്റുകൾ, ഹൈ ബീം എൽ.ഇ.ഡി ലൈറ്റുകൾ, പ്ലാസ്റ്റിക് റൂഫ് റെയിലുകൾ എന്നിവയെല്ലാം വാഹനത്തിന്റെ മറ്റ് പ്രത്യകതകളാണ്. ചുവപ്പിലും, കറുപ്പലും ഡിസൈന് ചെയ്തതാണ് കാറിറെ ഇൻറീരിയർ.
143bhp പവർ ഉൽപ്പാദിപ്പിക്കുന്ന 2 ലിറ്റർ ഫോർ സിലിണ്ടർ എഞ്ചിനാണ് വാഹനത്തില്. 5 സ്പീഡ് മാനുവൽ ട്രാൻസ്മിഷന്. സാവോപോളോ ഓട്ടോ എക്സ്പോയിലാണ് പുത്തന് വാഹനം റെനോള്ട്ട് അവതരിപ്പിച്ചത്.
ലാറ്റിൻ അമേരിക്കക്കു വേണ്ടിയാണ് എക്സ്ട്രീം സാവോപോളോ മോേട്ടാർ ഷോയിൽ അവതരിപ്പിച്ചതെന്നാണ് വാര്ത്തകള്. ഇന്ത്യയിൽ ഈ മോഡൽ എപ്പോൾ ലഭിക്കുമെന്ന് വ്യക്തമല്ല. ഡസ്റ്ററിന്റെ സ്പെഷൽ എഡിഷൻ മോഡൽ റെനോൾട്ട് നേരത്തെ ഇന്ത്യയിൽ പുറത്തിറക്കിയിരുന്നു.
