Asianet News Malayalam

ലോക്ക്ഡൗൺ: പരീക്ഷയ്ക്കായി അപേക്ഷിക്കാനുള്ള തീയതി ദീർഘിപ്പിച്ച് ഇ​ഗ്നോ

രോഗവ്യാപനത്തിന്റെ തോത് കുറഞ്ഞ്, സ്ഥിതിഗതികൾ പൂർവ സ്ഥിതിയിൽ ആയ ശേഷം മാത്രമേ പുതിയ പരീക്ഷാ തീയതികൾ പ്രഖ്യാപിക്കുകയുള്ളുവെന്ന് ഇഗ്നോ വൈസ് ചാൻസിലർ നാഗേശ്വർ റാവു വ്യക്തമാക്കി. 

ignou extended date for application
Author
Delhi, First Published May 19, 2020, 9:09 AM IST
  • Facebook
  • Twitter
  • Whatsapp


ദില്ലി: കോവിഡ്-19 രോഗവ്യാപനം തടയുന്നതിനായി രാജ്യത്താകമാനം ലോക്ക്ഡൗൺ പ്രഖ്യാപിച്ച സാഹചര്യത്തിൽ ജൂണിലെ പരീക്ഷയ്ക്കായി അപേക്ഷിക്കാനുള്ള തീയതി നീട്ടി ഇന്ദിരാഗാന്ധി നാഷണൽ ഓപ്പൺ യൂണിവേഴ്‌സിറ്റി (ഇഗ്നോ). മേയ് 31 വരെയാണ് തീയതി നീട്ടിയത്. വൈറസ് വ്യാപനം തടയുന്നതിനായി മാർച്ച് 25-ന് പ്രഖ്യാപിച്ച ലോക്ക്ഡൗണിന്റെ നാലാം ഘട്ടമാണിത്. ഇതിനിടെ മൂന്നു തവണയാണ് ഇഗ്നോ പരീക്ഷയ്ക്ക് അപേക്ഷിക്കാനുള്ള തീയതി നീട്ടിയത്.

വിദ്യാർഥികൾക്ക് അസൈൻമെന്റുകൾ ഓൺലൈനായി സമർപ്പിക്കാനുള്ള അവസരവും ഇഗ്നോ ഒരുക്കിയിരുന്നു. രാജ്യത്തെ 56-ൽപ്പരം കേന്ദ്രങ്ങളിലായി 277-ഓളം കോഴ്‌സുകളാണ് ഇഗ്നോ നടത്തുന്നത്. രോഗവ്യാപനത്തിന്റെ തോത് കുറഞ്ഞ്, സ്ഥിതിഗതികൾ പൂർവ സ്ഥിതിയിൽ ആയ ശേഷം മാത്രമേ പുതിയ പരീക്ഷാ തീയതികൾ പ്രഖ്യാപിക്കുകയുള്ളുവെന്ന് ഇഗ്നോ വൈസ് ചാൻസിലർ നാഗേശ്വർ റാവു വ്യക്തമാക്കി. 

Follow Us:
Download App:
  • android
  • ios