കൊവിഡ്-19: ഇന്ത്യന്‍ ആര്‍മി പൊതുപ്രവേശന പരീക്ഷ റദ്ദാക്കി; പുതുക്കിയ തീയതി പിന്നീട്
കൊവിഡ് രോഗബാധയെത്തുടർന്ന് ഏപ്രിൽ, മേയ് മാസങ്ങളിൽ നടത്താനിരുന്ന പരീക്ഷയും ഇന്ത്യൻ ആർമി മാറ്റിവെച്ചിരുന്നു.
ദില്ലി: ജൂൺ 27-ന് നടത്താനിരുന്ന പൊതുപ്രവേശന പരീക്ഷ മാറ്റിവെച്ച് ഇന്ത്യൻ ആർമി. സോൾജ്യർ ജനറൽ ഡ്യൂട്ടി, സോൾജ്യർ ടെക്നിക്കൽ, സോൾജ്യർ ട്രേഡ്സ്മാൻ ക്ലാസ് 10, 8, സോൾജ്യർ ക്ലർക്ക് തസ്തികകളിലെ തിരഞ്ഞെടുപ്പിനുള്ള പരീക്ഷയാണ് മാറ്റിവെച്ചത്. 'കൊവിഡ്-19 സാഹചര്യം പരിഗണിച്ച് ജൂൺ 27-ന് വിവിധ തസ്തികകളിലെ നിയമനത്തിനായി നടത്താനിരുന്ന പൊതുപ്രവേശന പരീക്ഷ റദ്ദാക്കുന്നു. പുതുക്കിയ തീയതികൾ പിന്നീട് അറിയിക്കും. ഇന്ത്യൻ ആർമി അറിയിച്ചു. കൊവിഡ് രോഗബാധയെത്തുടർന്ന് ഏപ്രിൽ, മേയ് മാസങ്ങളിൽ നടത്താനിരുന്ന പരീക്ഷയും ഇന്ത്യൻ ആർമി മാറ്റിവെച്ചിരുന്നു.
Last Updated Jun 15, 2021, 11:05 AM IST
