2026ലെ രണ്ടാമത്തെ 100 കോടി ക്ലബ്ബാകും വാഴ 2. ആട് 3 ആണ് ഈ വർഷം ആദ്യം 100 കോടി രൂപ നേടിയത്.
ഒരിടവേളയ്ക്ക് ശേഷം മലയാള സിനിമാസ്വാദകരുടെ കണ്ണും മനവും നിറച്ച സിനിമയായി മാറിയിരിക്കുകയാണ് വാഴ 2. ഒരുകൂട്ടം സോഷ്യൽ മീഡിയ താരങ്ങൾക്കൊപ്പം സീനിയർ താരങ്ങളും ഒന്നിച്ചെത്തി ഞെട്ടിച്ച ചിത്രം ബോക്സ് ഓഫീസിൽ വൻ തേരോട്ടമാണ് സൃഷ്ടിച്ചിരിക്കുന്നത്. ആദ്യദിനം കേരളത്തിൽ നിന്നുമാത്രം 5 കോടിയിലധികം രൂപ നേടിയ ചിത്രം അഞ്ചാം ദിനം എത്തുമ്പോൾ, ആഗോളതലത്തില് 100 കോടി രൂപയുടെ അടുത്തേക്ക് കുതിക്കുന്നുവെന്ന വിവരമാണ് പുറത്തുവരുന്നത്.
വാഴ 2ന്റെ അണിയറപ്രവർത്തകർ നൽകിയ വിവരം പ്രകാരം ചിത്രം 80 കോടി രൂപ ആഗോള തലത്തിൽ നേടി. റിലീസ് ചെയ്ത് വെറും അഞ്ച് ദിവസത്തിലാണ് ചിത്രത്തിന്റെ ഈ നേട്ടം. അധികം വൈകാതെ വാഴ 2, 100 കോടി ക്ലബ്ബിലും ഇടം നേടുമെന്നാണ് ട്രാക്കർമാരുടെ വിലയിരുത്തൽ. അങ്ങനെയെങ്കിൽ 2026ലെ രണ്ടാമത്തെ 100 കോടി ക്ലബ്ബാകും വാഴ 2. ആട് 3 ആണ് ഈ വർഷം ആദ്യം 100 കോടി രൂപ നേടിയത്.
വാഴ 2ന്റെ കേരള കളക്ഷൻ കണക്ക്
Day 1 - 5.20 കോടി
Related Articles
Day 2 - 5.70 കോടി
Day 3 - 7.30 കോടി
Day 4 - 8.35 കോടി
Day 5 - 7.40 കോടി
ആകെമൊത്തം അഞ്ച് ദിവസത്തിൽ 33.95 കോടി രൂപയാണ് കേരളത്തിൽ നിന്നുമാത്രം വാഴ 2 നേടിയിരിക്കുന്നത്. ഇന്ന് കേരളത്തിൽ നിന്ന് 7-8 കോടി വരെ ചിത്രം നേടുമെന്നും അണിയറ പ്രവർത്തകർ പറയുന്നു. ട്രാക്കിംഗ് സൈറ്റായ സാക്നിൽക്കിന്റെ റിപ്പോർട്ട് പ്രകാരം 79.23 കോടി രൂപയാണ് വാഴ 2 ആഗോളതലത്തിൽ നേടിയിരിക്കുന്നത്.
