സര്ഫറാസ് കാത്തിരിക്കണം! പടിദാറിന് അരങ്ങേറ്റം, മൂന്ന് മാറ്റം! ഇംഗ്ലണ്ടിനെതിരെ ഇന്ത്യക്ക് ടോസ്
ഇംഗ്ലണ്ടും രണ്ട് മാറ്റം വരുത്തിയിരുന്നു. വെറ്ററന് പേസര് ജെയിംസ് ആന്ഡേഴ്സണ് ടീമില് തിരിച്ചെത്തിയിരുന്നു. മാര്ക്ക് വുഡിന് പകരമാണ് ആന്ഡേഴ്സണ് എത്തിയത്.
![india won the toss against england in second test india won the toss against england in second test](https://static-ai.asianetnews.com/images/01hmzb13ngjwe1nxxx8gkreny0/rohit-sharma_363x203xt.jpg)
വിശാഖപട്ടണം: ഇംഗ്ലണ്ടിനെതിരെ രണ്ടാം ടെസ്റ്റില് ഇന്ത്യ ആദ്യം ബാറ്റ് ചെയ്യും. ടോസ് നേടിയ ഇന്ത്യന് ക്യാപ്റ്റന് രോഹിത് ശര്മ ബാറ്റ് ചെയ്യാന് തീരുമാനിക്കുകയായിരുന്നു. രഞജ് പടിദാര് ടെസ്റ്റ് ടീം അരങ്ങേറ്റം നടത്തും. കെ എല് രാഹുലിന് പകരം ടീമിലെത്തിയ സര്ഫറാസ് ഖാന് അരങ്ങേറ്റത്തിനായി കാത്തിരിക്കണം. പടിദാറിന്റെ ഉള്പ്പെടെ മൂന്ന് മാറ്റമാണ് ഇന്ത്യ വരുത്തിയത്. രവീന്ദ്ര ജഡേജയ്ക്ക് പകരം കുല്ദീപ് യാദവ് ടീമിലെത്തി. മുഹമ്മദ് സിറാജിന് പകരം മുകേഷ് കുമാര് കളിക്കും.
ഇന്ത്യ: യശസ്വി ജെയ്സ്വാള്, രോഹിത് ശര്മ, ശുഭ്മാന് ഗില്, രജത് പടിദാര്, ശ്രേയസ് അയ്യര്, കെ എസ് ഭരത്, ആര് അശ്വിന്, അക്സര് പട്ടേല്, ജസ്പ്രിത് ബുമ്ര, മുകേഷ് കുമാര്, കുല്ദീപ് യാദവ്.
ഇംഗ്ലണ്ട്: സാക് ക്രൗളി, ബെന് ഡക്കറ്റ്, ഒല്ലി പോപ്, ജോ റൂട്ട്, ജോണി ബെയര്സ്റ്റോ, ബെന് സ്റ്റോക്സ്, ബെന് ഫോക്സ്, റെഹാന് അഹമ്മദ്, ടോം ഹാര്ട്ലി, ഷൊയ്ബ് ബഷീര്, ജെയിംസ് ആന്ഡേഴ്സണ്.
നേരത്തെ ഇംഗ്ലണ്ടും രണ്ട് മാറ്റം വരുത്തിയിരുന്നു. വെറ്ററന് പേസര് ജെയിംസ് ആന്ഡേഴ്സണ് ടീമില് തിരിച്ചെത്തിയിരുന്നു. മാര്ക്ക് വുഡിന് പകരമാണ് ആന്ഡേഴ്സണ് എത്തിയത്. കാല്മുട്ടിന് പരിക്കേറ്റ ജാക്ക് ലീച്ചിന് പകരം ഷൊയ്ബ് ബഷീറും ടീമിലെത്തി. ഇന്ത്യയിലേക്കുള്ള വിസ ലഭിക്കാത്തതിനെ തുടര്ന്ന് ബഷീറിന് ആദ്യ ടെസ്റ്റിനുള്ള ഇന്ത്യന് ടീമിനൊപ്പം ചേരാന് കഴിഞ്ഞിരുന്നില്ല. വിസ നടപടികള് ശരിയായതിന തുടര്ന്ന് കഴിഞ്ഞ ഞായറാഴ്ച്ചയാണ് താരം ഇന്ത്യയിലെത്തിയത്.
20കാരനായ ബഷീറിന്റെ അരങ്ങേറ്റമാണ് ഇന്ന്. ഈ പരമ്പരയില് അരങ്ങേറുന്ന രണ്ടാമത്തെ ഇംഗ്ലണ്ട് താരമാണ് ബഷീര്. നേരത്തെ, ടോം ഹാര്ട്ലിയും അരങ്ങേറ്റം നടത്തിയിരുന്നു. ഹൈദരാബാദില് രണ്ടാം ഇന്നിംഗ്സില് ഇന്ത്യയെ തകര്ത്തത് ഹാര്ട്ലിയായിരുന്നു. ഏഴ് വിക്കറ്റുകളാണ് താരം വീഴ്ത്തിയത്.
ക്രിസ്റ്റ്യാനോയെ അനുകരിക്കുന്നത് നിര്ത്തൂ! ഗാര്നാച്ചോയ്ക്കെതിരെ തുറന്നടിച്ച് എയ്ഞ്ചല് ഡി മരിയ