ന്യൂസിലന്ഡിനെതിരെ ആദ്യ ഏകദിനത്തില് ഇന്ത്യക്ക് ടോസ്; ഹാര്ദിക് പാണ്ഡ്യ തിരിച്ചെത്തി, ടീമില് നാല് മാറ്റം
ഹാര്ദിക് പാണ്ഡ്യ, ഷാര്ദുല് ഠാക്കൂര്, സൂര്യകുമാര് യാദവ്, ഇഷാന് കിഷന് എന്നിവര് ടീമിലെത്തി. ശ്രേയസ് അയ്യര്, അക്സര് പട്ടേല്, ഉമ്രാന് മാലിക്ക്, കെ എല് രാഹുല് എന്നിവരാണ് പുറത്തായത്.
ഹൈദരാബാദ്: ന്യൂസിലന്ഡിനെതിരായ ആദ്യ ഏകദിനത്തില് ഇന്ത്യ ആദ്യം ബാറ്റ് ചെയ്യും. ഹൈദരാബാദ്, രാജീവ് ഗാന്ധി ഇന്റര്നാഷണല് സ്റ്റേഡിയത്തില് ടോസ് നേടിയ ഇന്ത്യന് ക്യാപ്റ്റന് രോഹിത് ശര്മ ബാറ്റിംഗ് തിരഞ്ഞെടുക്കുകയായിരുന്നു. ശ്രീലങ്കയ്ക്കെതിരെ അവസാനം ഏകദിനം കളിച്ച ടീമില് നിന്ന് നാല് മാറ്റാവുമായിട്ടാണ് ഇന്ത്യ ഇറങ്ങുന്നത്. ഹാര്ദിക് പാണ്ഡ്യ, ഷാര്ദുല് ഠാക്കൂര്, സൂര്യകുമാര് യാദവ്, ഇഷാന് കിഷന് എന്നിവര് ടീമിലെത്തി. ശ്രേയസ് അയ്യര്, അക്സര് പട്ടേല്, ഉമ്രാന് മാലിക്ക്, കെ എല് രാഹുല് എന്നിവരാണ് പുറത്തായത്. രാഹുലും അക്സറും വ്യക്തിപരമായ കാരണങ്ങളെ തുടര്ന്ന് പരമ്പരയില് നിന്ന് വിട്ടുനില്ക്കുകയായിരുന്നു.
ഇന്ത്യന് ടീം: രോഹിത് ശര്മ, ശുഭ്മാന് ഗില്, വിരാട് കോലി, ഇഷാന് കിഷന്, സൂര്യകുമാര് യാദവ്, ഹാര്ദിക് പാണ്ഡ്യ, വാഷിംഗ്ടണ് സുന്ദര്, ഷാര്ദുല് ഠാക്കൂര്, കുല്ദീപ് യാദവ്, മുഹമ്മദ് സിറാജ്, മുഹമ്മദ് ഷമി.
ന്യൂസിലന്ഡ്: ഫിന് അലന്, ഡെവോണ് കോണ്വെ, ഡാരില് മിച്ചല്, ടോം ലാഥം (ക്യാപ്റ്റന്), ഗ്ലെന് ഫിലിപ്സ്, മൈക്കല് ബ്രേസ്വെല്, മിച്ചല് സാന്റ്നര്, ഹെന്റി ഷിപ്ലി, ലോക്കി ഫെര്ഗൂസണ്, ബ്ലെയര് ടിക്നര്.
ഐസിസി ടൂര്ണമെന്റുകളില് പതിവായി ഇന്ത്യയുടെ വഴിമുടക്കുന്ന കിവികളുമായി നേര്ക്കുനേര് വരുമ്പോള് ആരാധകരും ആവേശത്തില്. ശ്രീലങ്കയ്ക്കെതിരായ പരമ്പര തൂത്തുവാരിയതിന്റെ ആത്മവിശ്വാസത്തിലാണ് ആതിഥേയര്. പാകിസ്ഥാനില് ഏകദിന പരമ്പര വിജയിച്ച തിളക്കത്തിലാണ് ന്യുസിലന്ഡ്. ശ്രീലങ്കയേക്കാള് ശക്തരായ എതിരാളികള്ക്കെതിരെ കടുത്ത വെല്ലുവിളി പ്രതീക്ഷിക്കണം രോഹിത് ശര്മ.
കെയ്ന് വില്ല്യംസണിന്റെ അഭാവത്തില് ടോം ലാഥം ആണ് ന്യുസിലന്ഡ് നായകന്. ട്രന്റ് ബോള്ട്ടും ആഡം മില്നെയും മാറ്റ് ഹെന്റിയും ഇല്ലെങ്കിലും ന്യുസിലന്ഡ് ബൗളിംഗ് നിര ആരെയും വിറപ്പിക്കാന് പോന്നതാണ്. ഇന്ത്യന് സാഹചര്യങ്ങള് നന്നായി അറിയാവുന്ന സ്പിന്നര്മാരും കരുത്ത്. എങ്കിലും ഇന്ത്യയില് ഇതുവരെ ഏകദിന പരമ്പര നേടിയിട്ടില്ലെന്ന ചരിത്രം കിവികളുടെ സമ്മര്ദ്ദം കൂട്ടും.
ഓസ്ട്രേലിയന് ഓപ്പണില് വന് അട്ടിമറി! നിലവിലെ ചാംപ്യന് റാഫേല് നദാല് രണ്ടാം റൗണ്ടില് പുറത്ത്