Vijay Hazare : സഞ്ജു സാംസണ് മടങ്ങി; ഛണ്ഡീഗഡിനെതിരെ വിജയലക്ഷ്യം പിന്തുടരുന്ന കേരളത്തിന് ഭേദപ്പെട്ട തുടക്കം
സഞ്ജു- രോഹന് സഖ്യം അല്പനേരം പിടിച്ചുനിന്നു. എന്നാല് മികച്ച തുടക്കം നല്കിയ ശേഷം സഞ്ജു നിരാശപ്പെടുത്തി. യുവരാജ് ചൗധരിയുടെ പന്തില് ക്യാ്പറ്റന് ബൗള്ഡായി.
രാജ്കോട്ട്: വിജയ് ഹസാരെ ട്രോഫിയില് (Vijaya Hazare) ഛണ്ഡീഗഡിനെതിരെ (Chandigarh) 185 റണ്സ് വിജയലക്ഷ്യവുമായി ബാറ്റിംഗിന് ഇറങ്ങിയ കേരളത്തിന് ഭേദപ്പെട്ട തുടക്കം. രാജ്കോട്ടില് നടക്കുന്ന മത്സരത്തില് ഒടുവില് വിവരം ലഭിക്കുമ്പോള് കേരളം 13 ഓവറില് രണ്ടിന് 68 എന്ന നിലയിലാണ്. മുഹമ്മദ് അസറുദ്ദീന് (9), ക്യാപ്റ്റന് സഞ്ജു സാസണ് (24) എന്നിവരുടെ വിക്കറ്റാണ് കേരളത്തിന് നഷ്ടമായത്. രോഹന് കുന്നുമ്മേല് (25), സച്ചിന് ബേബി (7) എന്നിവരാണ് ക്രീസില്.
രണ്ടാം ഓവറില് തന്നെ കേരളത്തിന് ആദ്യ വിക്കറ്റ് നഷ്ടമായി. അസറുദ്ദീനെ ജഗ്ജിത് സിംഗ് സന്ധു വിക്കറ്റിന് മുന്നില് കുടുക്കി. 18 റണ്സ് മാത്രമാണ് അപ്പോള് സ്കോര്ബോര്ഡിലുണ്ടായിരുന്നത്. സഞ്ജു- രോഹന് സഖ്യം അല്പനേരം പിടിച്ചുനിന്നു. എന്നാല് മികച്ച തുടക്കം നല്കിയ ശേഷം സഞ്ജു നിരാശപ്പെടുത്തി. യുവരാജ് ചൗധരിയുടെ പന്തില് ക്യാ്പറ്റന് ബൗള്ഡായി.
നേരത്തെ, രാജ്കോട്ടില് ടോസ് നഷ്ടമായി ബാറ്റിംഗിന് ഇറങ്ങിയ ഛണ്ഡീഗഡിനായി 56 റണ്സ് നേടിയ മനന് വൊഹ്റയ്ക്ക് (Manan Vohara) മാത്രമാണ് തിളങ്ങാനായത്. എട്ട് വിക്കറ്റുകളാണ് ഛണ്ഡീഗഡിന് നഷ്ടമായത്. സിജോമോന് ജോസഫ് കേരളത്തിനായി മൂന്ന് വിക്കറ്റ് വീഴ്ത്തി. ബേസില് തമ്പി രണ്ട് വിക്കറ്റെടുത്തു.
സഞ്ജു സാംസണിന്റെ നേതൃത്വത്തിലിറങ്ങിയ കേരളം ആദ്യ ഓവറില് തന്നെ വിക്കറ്റ് വീഴ്ത്തി. സരുള് കന്വാറാണ് (0) പുറത്തായത്. ബേസിലിനായിരുന്നു വിക്കറ്റ്. പിന്നാലെ അവര്ക്ക് കൃത്യമായ ഇടവേളകളില് വിക്കറ്റ് നഷ്ടമായികൊണ്ടിരുന്നു. അഞ്ചിന് 93 എന്ന നിലയിലേക്ക് വീണു അവര്. ശിവം ബാംഭ്രി (14), കുനാല് മഹാജന് (8) വൊഹ്റ (56), കൗഷിക് (11) എന്നിവരെയാണ് ഛത്തീസ്ഗഡിന് നഷ്ടമായത്.
അര്ജിത് സിംഗ് (15), യുവരാജ് ചൗധരി (14) എന്നിവരാണ് സ്കോര് 100 കടത്തിയത്. ഇരുവരേയും പുറത്താക്കി സിജോമോന് കേരളത്തിന് ബ്രേക്ക് ത്രൂ നല്കി. ഛണ്ഡീഗഡ് 120ന് ഏഴ് എന്ന നിലയിലായി. തുടര്ന്നത്തിയ ജസ്കരണ്ദീപ് സിംഗ് (13) പെട്ടന്ന് മടങ്ങിയെങ്കിലും അര്പിത് സിംഗ് (25), സന്ദീപ് ശര്മ (26) എന്നിവര് സ്കോര് 180 കടത്തി. സിജോമോന്, ബേസില് എന്നിവര്ക്ക് പുറമെ മനു കൃഷ്ണന്, വിഷ്ണു വിനോദ് എന്നിവര് ഓരോ വിക്കറ്റ് വീഴ്്ത്തി.
കേരള ടീം: രോഹന് കുന്നുമ്മല്, മുഹമ്മദ് അസറുദ്ദീന്, സഞ്ജു സാംസണ്, സച്ചിന് ബേബി, വിഷ്ണു വിനോദ്, വിനൂപ്, മനു കൃഷ്ണന്, അക്ഷയ് കെ സി, നിതീഷ് എം ഡി, ബേസില് തമ്പി, സിജോമോന് ജോസഫ്.