പാക്കിസ്ഥാനെതിരായ ഇന്ത്യന്‍ വിജയം ആഘോഷിക്കാന്‍ പാണ്ഡ്യയെ ടിവി സ്ക്രീനിലൂടെ ഉമ്മവെച്ച് അഫ്ഗാന്‍ ആരാധകന്‍-വീഡിയോ
ഏഷ്യാ കപ്പില്‍ ഞായറാഴ്ച നടന്ന ഇന്ത്യ-പാക് ആവേശ പോരാട്ടത്തില്‍ അവസാന ഓവറിലായിരുന്നു ഇന്ത്യ ജയിച്ചു കയറിയത്. അവസാന ഓവറില്‍ ജയിക്കാന്‍ ഏഴ് റണ്‍സായിരുന്നു ഇന്ത്യക്ക് ജയിക്കാന്‍ വേണ്ടിയിരുന്നത്.
കറാച്ചി: ഏഷ്യാ കപ്പ് ക്രിക്കറ്റില്‍ പാക്കിസ്ഥാനെതിരായ ഇന്ത്യന്‍ വിജയം ഇന്ത്യന്‍ ആരാധകര്‍ മാത്രമാണ് ആഘോഷമാക്കിയത് എന്ന് കരുതിയെങ്കില്‍ തെറ്റി. ഇന്ത്യക്കാരെപ്പോലെ തന്നെ ഇന്ത്യന്‍ ജയം ആഘോഷമാക്കിയ അഫ്ഗാനിസ്ഥാന്‍കാരുമുണ്ട്. അഫ്ഗാനിസ്ഥാനിലിരുന്ന് ഇന്ത്യാ-പാക്കിസ്ഥാന്‍ മത്സരം കണ്ട അഫ്ഗാന്‍ ആരാധകരില്‍ ഒരാള്‍ മത്സരത്തില്‍ ഹാര്‍ദ്ദിക് പാണ്ഡ്യ വിജയ സിക്സര്‍ അടിച്ചതിനുശേഷേം ടെലിവിഷന് അടുത്തെത്തി സ്ക്രീനില്‍ കാണിച്ച ഹാര്‍ദ്ദിക്കിനെ ഉമ്മവെച്ചാണ് വിജയം ആഘോഷിച്ചത്. സമൂഹമാധ്യമങ്ങളില്‍ ആരാധകര്‍ ഈ വീഡിയോ ആഘോഷമാക്കുകയും ചെയ്തു.
ഏഷ്യാ കപ്പില്‍ ഞായറാഴ്ച നടന്ന ഇന്ത്യ-പാക് ആവേശ പോരാട്ടത്തില്‍ അവസാന ഓവറിലായിരുന്നു ഇന്ത്യ ജയിച്ചു കയറിയത്. അവസാന ഓവറില്‍ ജയിക്കാന്‍ ഏഴ് റണ്‍സായിരുന്നു ഇന്ത്യക്ക് ജയിക്കാന്‍ വേണ്ടിയിരുന്നത്. മുഹമ്മദ് നവാസ് എറിഞ്ഞ അവസാന ഓവറിലെ ആദ്യ പന്തില്‍ രവീന്ദ്ര ജഡേജ ക്ലീന്‍ ബൗള്‍ഡായപ്പോള്‍ രണ്ടാം പന്തില്‍ ദിനേശ് കാര്‍ത്തിക് സിംഗിളെടുത്തു. മൂന്നാം പന്ത് ഡോട്ട് ബോളായി. അപ്പോഴും ശാന്തനായി ക്രീസില്‍ നിന്ന പാണ്ഡ്യ നാലാം പന്ത് സിക്സിന് പറത്തി ഇന്ത്യയെ വിജയവര കടത്തുകയായിരുന്നു.
നേരത്തെ ടോസ് നഷ്ടപ്പെട്ട് ബാറ്റിംഗിനിറങ്ങിയ പാക് ടീം 19.5 ഓവറില്‍ 147 റണ്‍സിന് ഓള്‍ ഔട്ടാവുകയായിരുന്നു. ഭുവനേശ്വര്‍ കുമാറിന്‍റെ നാല് വിക്കറ്റിന് പുറമെ ഹാര്‍ദിക് പാണ്ഡ്യ മൂന്ന് വിക്കറ്റ് വീഴ്ത്തി. മറുപടി ബാറ്റിംഗില്‍ ഇന്ത്യക്കായി ഹാര്‍ദിക് പാണ്ഡ്യ 17 പന്തില്‍ 33* റണ്‍സുമായി പുറത്താകാതെ നിന്ന് ഇന്ത്യയുടെ വിജയശില്‍പിയായപ്പോള്‍ വിരാട് കോലിയും രവീന്ദ്ര ജഡേജയും 35 റണ്‍സ് വീതം നേടി. നായകന്‍ രോഹിത് ശര്‍മ്മ 12ഉം ഉപനായകന്‍ കെ എല്‍ രാഹുല്‍ ഗോള്‍ഡന്‍ ഡക്കായും മടങ്ങി.
ലൈംഗിക പരാമര്‍ശങ്ങളിലെ ഹാര്‍ദിക് പാണ്ഡ്യയുടെ വില്ലന്‍ ഇമേജ് മാറി, ആളുകളുടെ സമീപനങ്ങളും: അജയ് ജഡേജ
