ശ്രീനഗറിൽ സ്ഫോടനം: പതിനഞ്ച് പേർക്ക് പരിക്ക്
പ്രദേശം ഇപ്പോൾ സുരക്ഷാസേനയുടെ കൈകളിലാണ്. കഴിഞ്ഞ പത്ത് ദിവസത്തിനിടെ ഇവിടെ നടക്കുന്ന മൂന്നാമത്തെ സ്ഫോടനമാണിത്.
ശ്രീനഗർ: ജമ്മു കശ്മീരിലെ ശ്രീനഗറിൽ തിങ്കളാഴ്ച നടന്ന ഗ്രനേഡ് സ്ഫോടനത്തിൽ പതിനഞ്ച് പേർക്ക് പരിക്കേറ്റു. ശ്രീ നഗറിലെ ഹരിസിംഗ് ഹൈ സ്ട്രീറ്റിലാണ് സ്ഫോടനം നടന്നത്. പ്രദേശം ഇപ്പോൾ സുരക്ഷാസേനയുടെ കൈകളിലാണ്. കഴിഞ്ഞ പത്ത് ദിവസത്തിനിടെ ഇവിടെ നടക്കുന്ന മൂന്നാമത്തെ സ്ഫോടനമാണിത്.
പരിക്കേറ്റ ഒൻപത് പേരെ ആശുപത്രിയിൽ പ്രവേശിപ്പിച്ചിരിക്കുകയാണ്. ഇവരിൽ ഒരാളുടെ നില ഗുരുതരമാണ്. കഴിഞ്ഞ ആഴ്ച സാപോറിലുണ്ടായ സ്ഫോടനത്തിൽ പത്തൊൻപത് പേർക്ക് പരിക്കേറ്റിരുന്നു. ഒക്ടോബർ 12ന് ഉണ്ടായ ഭീകരാക്രമണത്തിൽ എട്ട് പേർക്ക് പരിക്കേറ്റിരുന്നു.